മുംബൈ: റിലയൻസ് ഗ്രൂപ്പ് ചെയർമാൻ അനില് അംബാനി എൻഫോഴ്സ്മെന്റ് ഡയറക്ടറേറ്റിന് മുന്നില് ചോദ്യം ചെയ്യലിനായി ഹാജരായി. ബാങ്ക് വായ്പാ തട്ടിപ്പ് കേസില് അനില് അംബാനിക്ക് എൻഫോഴ്സ്മെന്റ് ഡയറക്ടറേറ്റ് സമൻസ് അയച്ചതിനെ തുടർന്നാണിത്.
പ്രമുഖ വ്യവസായിയായ അനില് അംബാനി 2017 നും 2019 നും ഇടയില് യെസ് ബാങ്കില് നിന്ന് എടുത്ത 3,000 കോടി രൂപയുടെ വായ്പകള് അദ്ദേഹത്തിന്റെ കമ്പനികള് ദുരുപയോഗം ചെയ്തതായി ആരോപിക്കപ്പെടുന്നു. ഇതിനു പകരമായി, റിലയൻസ് ഗ്രൂപ്പ് കമ്പനികള് യെസ് ബാങ്ക് ഉദ്യോഗസ്ഥർക്ക് കൈക്കൂലി നല്കിയതായും ആരോപിക്കപ്പെടുന്നു.
ഇതേ തുടർന്ന് കൈക്കൂലി കേസിലും ബാങ്ക് വായ്പ തട്ടിപ്പിലും എൻഫോഴ്സ്മെന്റ് ഡയറക്ടറേറ്റ് അന്വേഷണം ആരംഭിച്ചിരുന്നു. ഇതുമായി ബന്ധപ്പെട്ട് കഴിഞ്ഞ മാസം 24 മുതല് ഡല്ഹി എൻഫോഴ്സ്മെന്റ് ഡയറക്ടറേറ്റ് മുംബൈയിലെ റിലയൻസ് ഗ്രൂപ്പ് ഓഫീസുകളുമായും ഉദ്യോഗസ്ഥരുമായും ബന്ധപ്പെട്ട 35 ലധികം സ്ഥലങ്ങളില് റെയ്ഡ് നടത്തി. 3 ദിവസം പരിശോധന നീണ്ടുനിന്നു. ഈ പരിശോധനയില് തട്ടിപ്പുമായി ബന്ധപ്പെട്ട രേഖകള് പിടിച്ചെടുത്തിരുന്നു.
SUMMARY: Money case; Anil Ambani appears before ED
WhatsApp
Telegram
