കാഠ്മണ്ഡു: നേപ്പാളിലെ പ്രളയക്കെടുതിയില്‍ മരണസംഖ്യ 270 കടന്നു. ഇന്ത്യന്‍ വിദേശകാര്യ മന്ത്രാലയം നടത്തിയ വാര്‍ത്താ സമ്മേളനത്തിലാണ് ഇക്കാര്യം സ്ഥിരീകരിച്ചത്. നേപ്പാള്‍ മേഖലയിലേക്ക് കൈലാസ് മാനസസരോവര്‍ യാത്രയ്ക്ക് പോയ കേരളത്തില്‍നിന്നുള്ളവരുള്‍പ്പെടെ 288 ഇന്ത്യക്കാരെയാണ് കാണാതായത്. കാണാതായവരില്‍ തമിഴ്നാട്ടില്‍നിന്നുള്ള 86 പേരും പശ്ചിമ ബംഗാളില്‍നിന്നുള്ള 32 പേരും മറ്റു സംസ്ഥാനങ്ങളില്‍നിന്നായി 61 പേരുമാണ് ഉള്ളത്.
അതേസമയം, പ്രളയബാധിത പ്രദേശങ്ങളില്‍ കുടുങ്ങിപ്പോയ 21 ഇന്ത്യന്‍ പൗരന്മാരെ സുരക്ഷിതമായി രക്ഷപ്പെടുത്താന്‍ സാധിച്ചതായി അധികൃതര്‍ വ്യക്തമാക്കി. ഇവര്‍ തമിഴ്നാട്ടില്‍ നിന്നുള്ളവരാണ്. തീര്‍ഥാടനത്തിന്റെ ഭാഗമായി ചൈനീസ് അതിര്‍ത്തിയില്‍ നിലവില്‍ ഇരുനൂറോളം ഇന്ത്യന്‍ പൗരന്മാര്‍ കുടുങ്ങിക്കിടക്കുന്നുണ്ടെന്നാണ് വിവരം. ഇവരെ സുരക്ഷിതമായി ഒഴിപ്പിക്കുന്നതിനായി ബീജിങ്ങിലെ ഇന്ത്യന്‍ എംബസി ചൈനീസ് അധികൃതരുമായി ചേര്‍ന്ന് ഊര്‍ജിത ശ്രമങ്ങള്‍ നടത്തുന്നുണ്ട്.
കുടുങ്ങിക്കിടക്കുന്നവരില്‍ 95 പേര്‍ ദാര്‍ച്ചനിലും ബാക്കിയുള്ളവര്‍ ജിലോങ് മേഖലയിലുമാണുള്ളത്. ഇതിനുപുറമെ, ഇഷ ഫൗണ്ടേഷനില്‍ നിന്നുള്ള തീര്‍ഥാടകര്‍ ഉള്‍പ്പെടുന്ന ഒരു വിഭാഗം ആളുകളുമായി നിലവില്‍ ബന്ധപ്പെടാന്‍ സാധിച്ചിട്ടില്ല. ഇവര്‍ക്കായി പ്രാദേശിക അധികൃതരുടെ സഹായത്തോടെ തിരച്ചില്‍ തുടരുകയാണ്.
SUMMARY: Nepal reeling from floods: Death toll reaches 270, over 1,300 missing
