തിരുവനന്തപുരം: കേരളത്തിലെ ജനങ്ങള്ക്ക് നേറ്റിവിറ്റി കാര്ഡ് നല്കുമെന്ന് മുഖ്യമന്ത്രി പിണറായി വിജയൻ. നിലവില് വില്ലേജ് ഓഫീസർ നല്കിവരുന്ന നേറ്റിവിറ്റി സർട്ടിഫിക്കറ്റിനു പകരമായി ഫോട്ടോ പതിപ്പിച്ച നേറ്റിവിറ്റി കാർഡ് നല്കാനുള്ള തീരുമാനം മന്ത്രിസഭായോഗം തത്വത്തില് അംഗീകരിച്ചതായി മുഖ്യമന്ത്രി പത്രസമ്മേളനത്തില് അറിയിച്ചു.
നേറ്റിവിറ്റി സർട്ടിഫിക്കറ്റിനു പകരമായി എക്കാലത്തും ഉപയോഗിക്കാവുന്നതാണ് നേറ്റിവിറ്റി കാർഡ്. സംസ്ഥാന സർക്കാരുമായി ബന്ധപ്പെട്ട സേവനങ്ങള്ക്കും മറ്റു ആവശ്യങ്ങള്ക്കും ഉപയോഗപ്പെടുത്താവുന്ന നിയമ പിൻബലത്തോടുകൂടിയാവും ആധികാരിക രേഖയായി നേറ്റിവിറ്റി കാർഡ് നല്കാനാണ് സർക്കാർ ഉദ്ദേശിക്കുന്നതെന്ന് മുഖ്യമന്ത്രി വ്യക്തമാക്കി.
കേരളത്തില് ജീവനിക്കുന്നയാളെന്ന് തെളിയിക്കാനാണ് നേറ്റിവിറ്റി കാര്ഡ് നല്കുന്നതെന്നും കാര്ഡിന് എസ്ഐആറുമായി ബന്ധമില്ലെന്നും മുഖ്യമന്ത്രി പറഞ്ഞു. സ്വന്തം അസ്തിത്വം തെളിയിക്കാൻ ജനങ്ങള് പ്രയാസം അനുഭവിക്കുന്നതാണ് രാജ്യത്തെ പൊതുവായ അവസ്ഥ. അത് വലിയ തോതില് ആശങ്കജനകമായി രാജ്യത്ത് ഉയർന്നുവരുന്നു.
ഒരാള് ഈ നാട്ടില് ജനിച്ചു ജീവിക്കുന്നയാളാണെന്നോ സ്ഥിരതാമസക്കാരനാണെന്നോ ആരുടെ മുന്നിലും അനായാസം തെളിയിക്കാൻ പ്രാപ്തമാകണം. ഒരാളും പുറംതള്ളപ്പെടുന്ന അവസ്ഥയുണ്ടാകരുത്. അതിനായി ആധികാരികവും നിയമ പിൻബലമുള്ളതുമായ രേഖ, ആ വ്യക്തിയുടെ കൈവശമുണ്ടാകണം. അത്തരമൊരു രേഖ കേരളത്തില് ആവിഷ്കരിക്കാൻ സർക്കാർ ഉദ്ദേശിക്കുന്നുവെന്നും മുഖ്യമന്ത്രി പറഞ്ഞു.
SUMMARY: New identity document in the state; Nativity card with photo attached will be issued, says CM
WhatsApp
Telegram
