ചെന്നൈ: സര്‍ക്കാര്‍ ആശുപത്രികളില്‍ ജനിക്കുന്ന എല്ലാ കുഞ്ഞുങ്ങള്‍ക്കും ഒരുഗ്രാം സ്വര്‍ണ മോതിരം നല്‍കുന്ന പുതിയ ക്ഷേമപദ്ധതി തമിഴ്‌നാട് സര്‍ക്കാര്‍ പ്രഖ്യാപിച്ചു. സെപ്റ്റംബർ 15-ന് മുഖ്യമന്ത്രി സി. ജോസഫ് വിജയ് ഉദ്ഘാടനം ചെയ്യുന്ന ഈ പദ്ധതിയുടെ നടത്തിപ്പും മേല്‍നോട്ടവും നിർവഹിക്കാൻ ഒരു സ്‌റ്റേറ്റ് പ്രോജക്‌ട്/പ്രോഗ്രാം മാനേജ്‌മെന്റ് യൂണിറ്റ് സർക്കാർ രൂപീകരിക്കും.
സംസ്ഥാനത്തെ സർക്കാർ ആശുപത്രികളില്‍ ജനിക്കുന്ന ഓരോ കുഞ്ഞിനും ഈ പദ്ധതിയിലൂടെ സ്വർണ്ണ മോതിരം ലഭിക്കും. ഇന്നത്തെ വിപണി നിരക്കനുസരിച്ച്‌ ഏകദേശം 13,600 രൂപയാണ് ഒരു മോതിരത്തിന്റെ വില. കുട്ടിയുടെ വരവിനെ ആഘോഷിക്കാനും കുടുംബത്തിന് ആശംസകള്‍ നേരാനും തമിഴ് സംസ്കാരത്തിലെ ആചാരവുമായും ബന്ധപ്പെടുത്തിയാണ് സർക്കാർ ഈ പദ്ധതി ആവിഷ്കരിക്കുന്നത്.
ഈ പദ്ധതിയിലൂടെ സർക്കാർ ഓരോ കുട്ടിക്കും സ്നേഹത്തിന്റെയും സ്വാഗതത്തിന്റെയും അടയാളമായി സ്വർണ്ണ മോതിരം സമ്മാനിക്കുന്നു, എന്ന് സർക്കാർ ഉത്തരവില്‍ വ്യക്തമാക്കുന്നു.
SUMMARY: Tamil Nadu launches new scheme to provide one gram gold ring to babies born in government hospitals
