കാബൂൾ: പാകിസ്ഥാനും അഗ്ഫാനിസ്ഥാനും തമ്മിലുള്ള ആക്രമണം രൂക്ഷമായി തുടരുന്നു. കാബൂളിൽ അടക്കം താലിബാന്റെ സുപ്രധാന കേന്ദ്രങ്ങളിൽ പാകിസ്ഥാൻ ബോംബിട്ടു. വ്യോമാക്രമണത്തിൽ 133 താലിബാൻ പോരാളികളെ വധിച്ചതായി പാകിസ്ഥാൻ അവകാശപ്പെടുമ്പോൾ, തിരിച്ചടിച്ചതായും പാക് യുദ്ധവിമാനം വെടിവെച്ചിട്ടതായും താലിബാൻ വക്താക്കൾ വ്യക്തമാക്കി. നിരവധി പാക് സൈനിക പോസ്റ്റുകൾ തകർത്തതായും താലിബാൻ അറിയിച്ചതോടെ ഇരുരാജ്യങ്ങളും തമ്മിലുള്ള അതിർത്തി സംഘർഷം അതീവ ഗുരുതരമായി തുടരുകയാണ്. ഇരു രാജ്യങ്ങളും തമ്മിലുള്ള സംഘർഷം ഒരു വലിയ യുദ്ധത്തിലേക്ക് നീങ്ങുമോ എന്ന ഭീതിയിലാണ് അന്താരാഷ്ട്ര സമൂഹം.
SUMMARY: Pakistan bombed in Kabul; 133 people are claimed to have been killed
