പാലക്കാട്: രണ്ട് ബലാത്സംഗക്കേസുകളില് പ്രതിയായ രാഹുല് മാങ്കൂട്ടത്തില് എം.എല്.എ. ഒളിവിലിരിക്കെ നാളെ വോട്ട് ചെയ്യാനായി പാലക്കാട് എത്തുമെന്നാണ് സൂചന. രണ്ടാമത്തെ ബലാത്സംഗക്കേസില് തിരുവനന്തപുരം പ്രിൻസിപ്പല് സെഷൻസ് കോടതി ഉപാധികളോടെ മുൻകൂർ ജാമ്യം അനുവദിച്ചതിന് പിന്നാലെയാണ് ഈ നീക്കം. പാലക്കാട് നഗരസഭയിലെ കുന്നത്തൂർമേട് സെന്റ് സെബാസ്റ്റ്യൻ സ്കൂളിലെ രണ്ടാം നമ്പർ ബൂത്തിലാണ് രാഹുലിന് വോട്ട്.
ആദ്യ കേസില് ഹൈക്കോടതി നേരത്തെ അറസ്റ്റ് തടഞ്ഞിരുന്നു. ഈ രണ്ട് കേസുകളിലുമുള്ള നിയമപരമായ ആശ്വാസം ലഭിച്ച സാഹചര്യത്തില്, രാഹുല് നാളെ പരസ്യമായി പുറത്തുവരുമെന്നാണ് വിവരം. ആദ്യത്തെ ബലാത്സംഗക്കേസുമായി ബന്ധപ്പെട്ട മുൻകൂർ ജാമ്യാപേക്ഷയില് ഹൈക്കോടതി തിങ്കളാഴ്ച വിധി പറയുമെന്നത് നിർണ്ണായകമാണ്. നിലവില്, ഹൈക്കോടതി അറസ്റ്റ് തടഞ്ഞുകൊണ്ടുള്ള ഉത്തരവ് നീട്ടാതിരിക്കുകയോ, അല്ലെങ്കില് ആദ്യ കേസില് ജാമ്യം തള്ളുകയോ ചെയ്താല് പോലീസിന് രാഹുലിന്റെ അറസ്റ്റ് രേഖപ്പെടുത്താൻ സാധിക്കും.
എന്നാല്, അതുവരെ രണ്ടാമത്തെ കേസില് അറസ്റ്റ് ചെയ്താലും ജാമ്യത്തില് വിടണമെന്ന കോടതി ഉത്തരവ് അദ്ദേഹത്തിന് താല്ക്കാലിക സുരക്ഷ നല്കുന്നുണ്ട്. ഈ നിയമപോരാട്ടങ്ങള്ക്കിടയിലും രാഹുല് വോട്ട് രേഖപ്പെടുത്താൻ എത്തുന്നത് രാഷ്ട്രീയരംഗത്ത് ശ്രദ്ധേയമാകും. രണ്ടാമത്തെ ബലാത്സംഗക്കേസില് തിരുവനന്തപുരം പ്രിൻസിപ്പല് സെഷൻസ് കോടതി ഇന്ന് ഉച്ചയ്ക്ക് ശേഷമാണ് രാഹുല് മാങ്കൂട്ടത്തില് എം.എല്.എയ്ക്ക് മുൻകൂർ ജാമ്യം അനുവദിച്ചത്.
എല്ലാ തിങ്കളാഴ്ചയും രാവിലെ 10-നും 11-നും ഇടയില് അന്വേഷണ ഉദ്യോഗസ്ഥന് മുമ്പാകെ ഹാജരായി ഒപ്പിടണമെന്നതടക്കമുള്ള ഉപാധികളോടെയാണ് ജാമ്യം അനുവദിച്ചത്. ഈ കേസില് രാഹുലിനെ അറസ്റ്റ് ചെയ്താല് ജാമ്യത്തില് വിടണമെന്നും കോടതി ഉത്തരവിട്ടിട്ടുണ്ട്. മൂന്നു ദിവസത്തെ വാദത്തിന് ശേഷമാണ് ഈ വിധി വന്നത്. ഇതിനിടെ, പിന്തുടർന്ന് ശല്യപ്പെടുത്തുക, തടഞ്ഞുവെക്കുക, അതിക്രമിച്ചു കയറുക എന്നീ പുതിയ വകുപ്പുകള് പോലീസ് രാഹുലിനെതിരെ ചുമത്തിയിട്ടുണ്ട്.
അതേസമയം, കോടതി ഉത്തരവിനെതിരെ ഉടൻ അപ്പീല് നല്കാനാണ് പ്രോസിക്യൂഷന്റെ തീരുമാനം. ഉത്തരവ് ഇന്ന് ലഭിച്ചാല് ഇന്ന് തന്നെയോ അല്ലെങ്കില് നാളെയോ മേല്ക്കോടതിയില് അപ്പീല് നല്കും.
SUMMARY: Rahul Mangkootathil MLA to arrive in Palakkad to vote tomorrow
WhatsApp
Telegram
