സാൻജോ പൂക്കളമത്സരം സെപ്റ്റംബർ 20-ന്

ബെംഗളൂരു: ബാബുസാപാളയ സാൻജോ ആർട്‌സ് ആൻഡ് സ്‌പോർട്‌സ് ക്ലബ് സംഘടിപ്പിക്കുന്ന മെഗാ പൂക്കളം മത്സരം ‘ദളങ്ങൾ 2025’ സെപ്റ്റംബർ 20-ന് ബാബുസാപാളയ ഫാ. മാത്യു തോയിലിൽ മെമ്മോറിയൽ സെന്ററില്‍ നടക്കും. ഒന്നാം സമ്മാനമായി 25,001 രൂപയും രണ്ടാം സമ്മാനമായി 15,001 രൂപയും മൂന്നാം സമ്മാനമായി 10,001 രൂപയും ട്രോഫികളും നൽകും. പൂക്കള മത്സരത്തിനുശേഷം ഓണസദ്യയും തുടർന്ന് ക്ലബ് അംഗങ്ങളുടെ സാംസ്കാരിക പരിപാടികളും ഉണ്ടാകും.

സാൻജോ ക്ലബ് പ്രസിഡന്റ് എ.വി. സെബാസ്റ്റ്യൻ, സെക്രട്ടറി എ.സി. ടോമി, ദളങ്ങൾ 2025 കൺവീനർ സജി ആന്റണി എന്നിവർ നേതൃത്വം നൽകും. മത്സരത്തിന്റെ രജിസ്‌ട്രേഷൻ സംബന്ധിച്ച കൂടുതൽ വിവരങ്ങൾക്ക് +91 98803 24743 എന്ന നമ്പറിൽ ബന്ധപ്പെടാവുന്നതാണ്.