ബെംഗളൂരു: സുന്നി മഹല്ല് ഫെഡറേഷൻ (എസ്.എം.എഫ്) ഗോൾഡൻ ജൂബിലിയുടെ ഭാഗമായി ഡിസംബർ 5ന് ബെംഗളൂരുവിൽ നടക്കുന്ന ദേശീയ സെമിനാറിന്റെ പ്രചാരണ പ്രവർത്തനങ്ങൾക്ക് തുടക്കമായി. ചെമ്മാട് ദാറുൽ ഹുദായിൽ നടന്ന ചടങ്ങിൽ പാണക്കാട് സയ്യിദ് അബ്ബാസലി ശിഹാബ് തങ്ങൾ സെമിനാറിന്റെ പോസ്റ്റർ പ്രകാശനം ചെയ്തു. രാവിലെ 10 മുതൽ വൈകിട്ട് 5 വരെ ബെംഗളൂരു പാലസ് ഗ്രൗണ്ടിലെ വൈറ്റ് പെറ്റൽസ് ഗാർഡേനിയയിൽ നടക്കുന്ന സെമിനാർ ‘എസ്.എം.എഫ്: സമസ്തയുടെ ദേശീയ പരിപ്രേക്ഷ്യം’ എന്ന പ്രമേയത്തിലാണ് സംഘടിപ്പിക്കുന്നത്. ദേശീയതലത്തിൽ എസ്.എം.എഫിന്റെ പ്രവർത്തനങ്ങൾ വിപുലീകരിക്കുന്നതിനും സമസ്തയുടെ ആശയാദർശങ്ങളും മഹല്ല് സംവിധാനത്തിന്റെ പ്രസക്തിയും കൂടുതൽ ജനങ്ങളിലേക്ക് എത്തിക്കുന്നതിനുമാണ് സെമിനാർ ലക്ഷ്യമിടുന്നത്.
പോസ്റ്റർ പ്രകാശനത്തോടനുബന്ധിച്ച് നടന്ന പ്രചാരണ ക്യാമ്പയിനിൽ എസ്.എം.എഫ് സംസ്ഥാന പ്രസിഡന്റ് ഇൻചാർജ് ഡോ. ബഹാഉദ്ദീൻ മുഹമ്മദ് നദ്‌വി, സംസ്ഥാന വൈസ് പ്രസിഡന്റുമാരായ ഡോ. സയ്യിദ് സി.കെ. കുഞ്ഞിത്തങ്ങൾ, അബ്ദുൽ റഹ്മാൻ കല്ലായി, സംസ്ഥാന ജനറൽ സെക്രട്ടറി യു. മുഹമ്മദ് ഷാഫി ഹാജി, സംസ്ഥാന വർക്കിംഗ് സെക്രട്ടറി അബ്ദുസ്സമദ് പൂക്കോട്ടൂർ, സംസ്ഥാന ഓർഗനൈസിംഗ് സെക്രട്ടറി നാസർ ഫൈസി കൂടത്തായി, എസ്.എം.എഫ് ബെംഗളൂരു അഡ്‌ഹോക് കമ്മിറ്റി കൺവീനർ വി.കെ.അബ്ദുൽ നാസർ,okറിയാസ്,റഷീദ് മൗലവി, ഹാജി, സംസ്ഥാന സെക്രട്ടറിമാരായ സി.ടി. അബ്ദുൽ ഖാദർ ഹാജി, പി.സി. ഇബ്രാഹിം ഹാജി, കോഴിക്കോട് ജില്ലാ പ്രസിഡന്റ് ആർ.വി. കുട്ടി ഹസൻ ദാരിമി, ജനറൽ സെക്രട്ടറി അബൂബക്കർ ഫൈസി മലയമ്മ, കണ്ണൂർ ജില്ലാ സെക്രട്ടറി ടി.വി. അഹമ്മദ് ദാരിമി, എസ്.എം.എഫ് ജില്ലാ ജനറൽ സെക്രട്ടറിമാരായ എ.പി.പി. കുഞ്ഞഹമ്മദ് ഹാജി (കാസർഗോഡ്), മഹ്മൂദ് അള്ളാംകുളം (കണ്ണൂർ), സി.എച്ച്. ത്വയ്യിബ് ഫൈസി (മലപ്പുറം), റഹീം ഷാ (പാലക്കാട്), അബ്ദുൽ കരീം ഫൈസി (തൃശൂർ), സിറാജ് (പത്തനംതിട്ട), ദമീൻ ജെ. മുട്ടേക്കാവ് (കൊല്ലം), ഷരീഫ് കുട്ടി ഹാജി (കോട്ടയം), ഹസൻ ആലംകോട് (തിരുവനന്തപുരം), ചീഫ് ഓർഗനൈസർ എ.കെ. ആലിപ്പറമ്പ്, ഓർഗനൈസർ ഷരീഫ് ദാരിമി എന്നിവരും പ്രചാരണ ക്യാമ്പയിനിൽ സംബന്ധിച്ചു.
ദേശീയ സെമിനാറിന്റെ സന്ദേശം രാജ്യത്തിന്റെ വിവിധ ഭാഗങ്ങളിലെ മഹല്ലുകളിലേക്കും സംഘടനാ പ്രവർത്തകരിലേക്കും എത്തിക്കുന്നതിനായി വിപുലമായ പ്രചാരണ പ്രവർത്തനങ്ങൾ സംഘടിപ്പിക്കുമെന്ന് എസ്.എം.എഫ് ദേശീയ സെമിനാർ സ്വാഗത സംഘം ചെയർമാൻ വി.സി. അബ്ദുൾ കരീം, വർക്കിംഗ് ചെയർമാൻ വി.കെ. നാസർ, ജനറൽ എം.കെ. നൗഷാദ്, വർക്കിംഗ് കൺവീനർ സമീർ ഷമ്മു എന്നിവർ അറിയിച്ചു.
SUMMARY:SMF National Seminar: Poster Campaign Launched
