തെരുവുനായ ആക്രമണം; ഏഴ് വയസുകാരൻ ഉള്‍പ്പെടെ ആറ് പേര്‍ക്ക് കടിയേറ്റു

പാലക്കാട്‌: ഒറ്റപ്പാലത്ത് തെരുവുനായ ആക്രമണം രൂക്ഷമായി. മൂന്ന് മണിക്കൂറിനിടെ ഏഴ് വയസുകാരൻ ഉള്‍പ്പെടെ ആറ് പേർക്കാണ് നായയുടെ കടിയേറ്റത്. ഒരേ നായ തന്നെയാണ് ആക്രമണം നടത്തിയത്. ഈസ്റ്റ് ഒറ്റപ്പാലം ഹൈസ്‌കൂള്‍ റോഡില്‍ വെച്ച്‌ പ്രദേശവാസികളായ അസ്മ, ബുഷറ, ഹൈറുന്നീസ എന്നിവർക്ക് നേരെയാണ് ആദ്യം ആക്രമണമുണ്ടായത്.

തുടർന്ന്, ഒറ്റപ്പാലം ബസ് സ്റ്റാൻഡില്‍ ബസ് കയറാൻ എത്തിയ മായന്നൂർ സ്വദേശി നാരായണനും തെരുവുനായയുടെ കടിയേറ്റു. മായന്നൂരില്‍ വെച്ച്‌ ഏഴ് വയസുകാരനായ സ്വസ്ഥി കൃഷ്ണക്കും മാതാവ് കൃഷ്ണപ്രിയക്കും കടിയേറ്റു. നായയുടെ ആക്രമണത്തില്‍ പരുക്കേറ്റവരില്‍ രണ്ട് പേരെ വിദഗ്ധ ചികിത്സയ്ക്കായി തൃശ്ശൂർ മെഡിക്കല്‍ കോളേജ് ആശുപത്രിയിലേക്ക് മാറ്റി.

SUMMARY: Stray dog ​​attack; Six people, including a seven-year-old, were bitten