തിരുവനന്തപുരം: കേരളത്തില് തെക്കുകിഴക്കൻ ബംഗാൾ ഉൾക്കടലിലെ അതിതീവ്ര ന്യൂനമർദവും മധ്യകിഴക്കൻ അറബിക്കടലിലെ തീവ്രന്യൂനമർദവും മൂലം അടുത്ത മൂന്ന് ദിവസം കൂടി മഴ തുടരും. ഇന്നും നാളെയും വടക്കന് കേരളത്തിലും, ചൊവ്വാഴ്ച തെക്കൻ ജില്ലകളിലുമാണ് മഴ മുന്നറിയിപ്പുള്ളത്. തൃശൂര്, മലപ്പുറം, കോഴിക്കോട്, വയനാട്, കണ്ണൂര്, കാസറഗോഡ് ജില്ലകളില് ഇന്ന് യെല്ലോ അലര്ട്ട് നിലവിലുണ്ട്.
കോഴിക്കോട്, കണ്ണൂര്, കാസറഗോഡ് ജില്ലകളില് നാളെ മഴ കനക്കും. ഈ മൂന്ന് ജില്ലകളില് നാളെ യെല്ലോ അലര്ട്ടും പ്രഖ്യാപിച്ചിട്ടുണ്ട്. ആലപ്പുഴ, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, വയനാട് ജില്ലകളില് നാളെ യെല്ലോ അലര്ട്ടും നിലവിലുണ്ട്. ചൊവ്വാഴ്ചയോടെ വടക്കന് കേരളത്തില് നിന്നും മഴ പിന്മാറും.
ബുധനാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് മഴ മുന്നറിയിപ്പുള്ളത്. 7 ജില്ലകളില് യെല്ലോ അലര്ട്ടാണ് പ്രഖ്യാപിച്ചിരിക്കുന്നത്. കേരളത്തില് ഉടനീളം ഒറ്റപ്പെട്ടയിടങ്ങളില് അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്.
SUMMARY: The rain will continue; Orange alert in three districts
WhatsApp
Telegram
