ബെംഗളൂരു: അറ്റകുറ്റപ്പണികളുടെ ഭാഗമായി ബെംഗളൂരുവിലെ വിവിധ പ്രദേശങ്ങളിൽ ഇന്ന്, രാവിലെ 10 മുതൽ വൈകിട്ട് 4 വരെ വൈദ്യുതി വിതരണം തടസ്സപ്പെടുമെന്ന് ബെസ്കോം അറിയിച്ചു. കർണാടക വൈദ്യുതി പ്രസരണ കോർപ്പറേഷൻ ലിമിറ്റഡിന്റെ രണ്ടാം പാദ പരിപാലന പ്രവർത്തനങ്ങളുടെ ഭാഗമായാണ് വൈദ്യുതി മുടക്കം.
രാജാനകുണ്ടെ ഉപകേന്ദ്രത്തിന്റെ പരിധിയിലാണ് ഇന്ന് പ്രധാനമായും വൈദ്യുതി മുടക്കം ഉണ്ടാകുക. ഹൊന്നേനഹള്ളി, സിംഗനായകനഹള്ളി, രാജാനകുണ്ടെ, അഡ്ഡെ വിശ്വനാഥപുര, മാരസന്ദ്ര, ശ്രീരാമനഹള്ളി, നെലകുണ്ടെ, ഹനിയൂർ, ചെല്ലഹള്ളി, കെഎംഎഫ്, ഇറ്റഗൽപുര, ബൈരാപുര, ബൂദമനഹള്ളി, ദിബ്ബൂർ, കാക്കോലു, സൊന്നേനഹള്ളി, സെഞ്ച്വറി ലേഔട്ട് എന്നിവിടങ്ങളിലും സമീപ പ്രദേശങ്ങളിലുമാണ് വൈദ്യുതി വിതരണം തടസ്സപ്പെടുന്നത്. ആവശ്യമായ മുൻകരുതലുകൾ എടുക്കണമെന്ന് ബെസ്കോം നിർദേശിച്ചു.
SUMMARY:There will be power cut in various areas of Bengaluru today
