കൊച്ചി: നടി ആക്രമിക്കപ്പെട്ട കേസിലെ കോടതി വിധിക്ക് പിന്നാലെ തന്റെ നിലപാടുകള് ശക്തമായി തുടരുന്ന ചലച്ചിത്ര പ്രവർത്തക ഭാഗ്യലക്ഷ്മിക്ക് നേരെ വധഭീഷണി. ദിലീപിനെതിരെ ഇനിയും സംസാരിക്കുകയാണെങ്കില് മുഖത്ത് ആസിഡ് ഒഴിക്കുമെന്നാണ് ഫോണിലൂടെ അജ്ഞാതൻ ഭീഷണിപ്പെടുത്തിയത്. കേട്ടാലറയ്ക്കുന്ന അസഭ്യവർഷമാണ് വിളിച്ചയാള് നടത്തിയതെന്നും, അവർ പറഞ്ഞു.
ഭീഷണി സന്ദേശം വന്ന ഫോണ് നമ്പർ സഹിതം ഉടൻ തന്നെ പോലീസില് പരാതി നല്കാനാണ് അവരുടെ തീരുമാനം. കേസില് നീതി പൂർണ്ണമായി നടപ്പിലായില്ലെന്ന ഭാഗ്യലക്ഷ്മിയുടെ പരസ്യ പ്രതികരണങ്ങളാണ് നിലവില് സൈബർ ആക്രമണങ്ങള്ക്കും ഇത്തരം ഭീഷണികള്ക്കും കാരണമായിരിക്കുന്നത്. മുമ്പും സമാനമായ രീതിയിലുള്ള ഭീഷണികള് തനിക്ക് നേരെ ഉണ്ടായിട്ടുണ്ടെന്നും എന്നാല് അന്ന് പരാതി നല്കിയിട്ടും പോലീസിന്റെ ഭാഗത്ത് നിന്ന് കാര്യക്ഷമമായ നടപടികളൊന്നും ഉണ്ടായിട്ടില്ലെന്നും അവർ കുറ്റപ്പെടുത്തി.
SUMMARY: Threatening message to dubbing artist Bhagyalakshmi
WhatsApp
Telegram
