മലപ്പുറം: കൊണ്ടോട്ടിയില് ട്രാവലറും ടിപ്പര് ലോറിയും കൂട്ടിയിടിച്ച് രണ്ടുമരണം. പാലക്കാട് വടവന്നൂര് സ്വദേശിയായ ട്രാവലര് ഡ്രൈവര് രാജേഷ്, കൊല്ലങ്കോട് സ്വദേശിനി രമണി എന്നിവരാണ് മരിച്ചത്. പരുക്കേറ്റ പതിമൂന്നുപേരെ കോഴിക്കോട് മെഡിക്കല് കോളജ് ആശുപത്രിയിലും 15 പേരെ ഫറോക്ക് താലൂക്ക് ആശുപത്രിയിലും പ്രവേശിപ്പിച്ചു. പരുക്കേറ്റ രണ്ട് പേരുടെ നില അതീവ ഗുരുതരമാണ്.
പാലക്കാട് നിന്നും കൊട്ടിയൂരിലേക്ക് പോയ സംഘമാണ് അപകടത്തില്പ്പെട്ടത്. അപകടത്തിൽ ട്രാവലർ പൂർണ്ണമായും തകർന്നു. 28 പേർ ട്രാവലറിൽ ഉണ്ടായിരുന്നു. യാത്രക്കാരിൽ കൂടുതലും സ്ത്രീകളും കുട്ടികളുമാണ് ഉണ്ടായിരുന്നത്.
SUMMARY: Malappuram traffic jam: Two dead after a pilgrim group’s traveler and a tipper lorry collide
