കാസറഗോഡ്: മൊഗ്രാലില് ദേശീയപാത നിര്മാണ പ്രവൃത്തികള്ക്കിടെ ക്രെയിന് പൊട്ടിവീണ് രണ്ട് തൊഴിലാളികള് മരിച്ചു. വടകര സ്വദേശി അക്ഷയ്(30), അശ്വിൻ എന്നിവരാണ് മരിച്ചത്. ഇന്ന് ഉച്ചയോടെയായിരുന്നു സംഭവം. ഊരാളുങ്കല് ലേബര് കോണ്ട്രാക്ട് സൊസൈറ്റിയിലെ ജീവനക്കാരാണ് അപകടത്തില്പ്പെട്ടത്.
ദേശീയപാത 66-ല് ലൈറ്റുകള് സ്ഥാപിക്കുന്നതിനിടെയായിരുന്നു അപകടം. ക്രെയിൻ ഉപയോഗിച്ച് വഴിവിളക്ക് മാറ്റുന്നതിനിടെ ഇവർ നിന്ന ബാസ്കറ്റ് പൊട്ടിവീഴുകയായിരുന്നു. പ്രദേശത്തെ വഴിവിളക്കുകള് കത്തുന്നില്ലെന്ന പരാതി നേരത്തെ ഉയർന്നിരുന്നു. ഇത് മാറ്റാനുള്ള ശ്രമത്തിനിടെയാണ് ഇലക്ട്രീഷ്യൻമാരായ യുവാക്കള് ക്രെയിൻ പൊട്ടിവീണ് മരിച്ചത്.
അപകടത്തിന് പിന്നാലെ ഇരുവരെയും ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. ഒരു കെട്ടിടത്തിന്റെയത്ര ഉയരത്തില് നിന്നാണ് ഇരുവരും താഴെവീണതെന്നാണ് വിവരം. ഇരുവർക്കും തലയ്ക്കടക്കം പരുക്കേറ്റിരുന്നു.
SUMMARY: Two workers die after crane collapses in Kasaragod
WhatsApp
Telegram
