ട്വന്റി 20യുടെ കോട്ടകൾ തകർത്ത് യുഡിഎഫ്, കുന്നത്തുനാട്ടിലും മഴുവന്നൂരും ട്വന്റി 20ക്ക് ഭരണം നഷ്ടമായി

കൊ​ച്ചി: ത​ദ്ദേ​ശ തിര​ഞ്ഞെ​ടു​പ്പി​ൽ കാ​ലി​ട​റി ട്വ​ന്‍റി 20. ഭ​ര​ണ​ത്തി​ലി​രു​ന്ന നാ​ല് പ​ഞ്ചാ​യ​ത്തു​ക​ളി​ൽ ര​ണ്ടെ​ണ്ണം ന​ഷ്ട​മാ​യി. ഇ​തു​കൂ​ടാ​തെ ഒ​രു ബ്ലോ​ക്ക് പ​ഞ്ചാ​യ​ത്തും ട്വ​ന്‍റി 20ക്ക് ​ന​ഷ്ട​മാ​യി. ട്വന്‍റി 20 ഭരിച്ചിരുന്ന കുന്നത്തുനാട്, മഴുവന്നൂര്‍ പഞ്ചായത്ത് യുഡിഎഫ് പിടിച്ചെടുത്തു. കി​ഴ​ക്ക​മ്പ​ലം പ​ഞ്ചാ​യ​ത്തി​ൽ അ​വ​സാ​ന ഘ​ട്ടം വ​രെ ക​ടു​ത്ത മ​ത്സ​ര​മാ​ണ് നേ​രി​ട്ട​ത്. ഐ​ക്ക​ര​നാ​ട് പ​ഞ്ചാ​യ​ത്തി​ൽ മു​ഴു​വ​ൻ വാ​ർ​ഡു​ക​ളി​ലും ജ​യി​ച്ച​തും തി​രു​വാ​ണി​യൂ​രി​ൽ ഏ​റ്റ​വും വ​ലി​യ ഒ​റ്റ​ക്ക​ക്ഷി​യാ​യ​തും നേ​ട്ട​മാ​യി പ​റ​യാം. ക​ഴി​ഞ്ഞ ത​വ​ണ ജ​യി​ച്ച വ​ട​വു​കോ​ട് ബ്ലോ​ക്ക് പ​ഞ്ചാ​യ​ത്തും ജി​ല്ലാ പ​ഞ്ചാ​യ​ത്ത് ഡി​വി​ഷ​നും ഇ​ത്ത​വ​ണ കൈ​വി​ട്ടു.

കി​ഴ​ക്ക​മ്പ​ലം പ​ഞ്ചാ​യ​ത്തി​ൽ ക​ഴി​ഞ്ഞ ത​വ​ണ ഒ​രു വാ​ർ​ഡ് മാ​ത്രം ന​ഷ്ട​മാ​യി​ട​ത്ത്, ഇ​ത്ത​വ​ണ ജ​യി​ച്ച​ത് 21ൽ 15 ​ഇ​ട​ത്ത് മാ​ത്ര​മാ​ണ്. തി​രി​ച്ച​ടി​ക​ൾ​ക്കി​ട​യി​ലും 16 വാ​ർ​ഡു​ള്ള പൂ​തൃ​ക്ക പ​ഞ്ചാ​യ​ത്തി​ൽ 7 സീ​റ്റു​ക​ൾ നേ​ടി യു​ഡി​എ​ഫി​ന് ഒ​പ്പം എ​ത്തി. തിരുവാണിയൂർ പഞ്ചായത്തിൽ എൽഡിഎഫിനെ പരാജയപ്പെടുത്തിയാണ് ട്വന്റി 20 ഭരണം നേടിയിട്ടുള്ളത്.

അ​തേ​സ​മ​യം മ​റ്റു പാ​ർ​ട്ടി​ക​ൾ ട്വ​ന്‍റി 20യെ ​തോ​ൽ​പ്പി​ക്കാ​ൻ ഐ​ക്യ​മു​ന്ന​ണി​യു​മാ​യി പ്ര​വ​ർ​ത്തി​ച്ച​ത് തി​രി​ച്ച​ടി​യാ​യെ​ന്നാ​ണ് നേ​തൃ​ത്വ​ത്തി​ന്‍റെ വി​ശ​ദീ​ക​ര​ണം. അതേസമയം ഇടുക്കി പഞ്ചായത്തിൽ പാർട്ടി അക്കൗണ്ട് തുറന്നിട്ടുണ്ട്. ജില്ലയിലെ മണക്കാട് പഞ്ചായത്തിലെ ഒന്നാം വാർഡിലാണ് ട്വന്റി 20 വിജയിച്ചത്. ആദ്യമായാണ് പാർട്ടി ജില്ലയിൽ അക്കൗണ്ട് തുറക്കുന്നത്.
SUMMARY: UDF breaks the strongholds of Twenty20