ന്യൂഡല്ഹി: ഉപരാഷ്ട്രപതി തിരഞ്ഞെടുപ്പ് ഇന്ന്. എന്ഡിഎയില് നിന്നും മുന് മഹാരാഷ്ട്ര ഗവര്ണര് സിപി രാധാകൃഷ്ണനും, ഇന്ത്യാ മുന്നണി സ്ഥാനാര്ത്ഥിയായി സുപ്രീം കോടതി മുന് ജഡ്ജി ബി. സുദര്ശന് റെഡ്ഡിയും തമ്മിലാണ് മത്സരം.
എംപിമാര്ക്കുള്ള മോക് പോള് ഇന്നലെ നടന്നു. ബിആര്എസും ബിജെഡിയും വോട്ടെടുപ്പില് നിന്ന് വിട്ടു നില്ക്കുമെന്ന് അറിയിച്ചിട്ടുണ്ട്. ജഗദീപ് ധന്ഖഢ് രാജിവെച്ചതിന് പിന്നാലെയുള്ള തിരഞ്ഞെടുപ്പ് രാവിലെ പത്തു മണിക്ക് ആരംഭിക്കും.
എൻഡിഎയും ഇന്ത്യ സഖ്യവും ഇന്നലെ എംപിമാർക്ക് പരിശീലനം നൽകാൻ മോക്ക് വോട്ടിംഗ് നടത്തി. എംപിമാരെ ബാച്ച് ബാച്ചായി തിരിച്ച് മുതിർന്ന നേതാക്കളുടെ മേൽനോട്ടത്തിലാവും വോട്ടെടുപ്പിന് എത്തിക്കുക. എൻഡിഎയെ പിന്തുണയ്ക്കുന്ന നിലപാടിൽ മാറ്റം ഇല്ലെന്ന് വൈഎസ്ആർ കോൺഗ്രസ് അറിയിച്ചിരുന്നു. വൈകിട്ട് ആറിന് വോട്ടെണ്ണൽ തുടങ്ങും. എട്ടു മണിയോടെ ഫലം പ്രഖ്യാപിക്കുമെന്നാണ് പ്രതീക്ഷിക്കുന്നത്.
SUMMARY: Vice Presidential election today; Voting begins at 10 am
