അടൂർ: അടൂരില് യുവതിയെ ദുരൂഹസാഹചര്യത്തില് വീടിനുള്ളില് തൂങ്ങിമരിച്ച നിലയില് കണ്ടെത്തി. ഷിനാസ് മന്സിലില് ഷെഹന(31) നെയാണ് വീടിനുള്ളിലെ ഹാളിലെ തൂങ്ങിമരിച്ച നിലയില് കണ്ടെത്തിയത്. സംഭവത്തില് യുവതിയുടെ സുഹൃത്തിനെ പോലീസ് കസ്റ്റഡിയില് എടുത്തു. വിവാഹിതയും ഒരു കുട്ടിയുടെ അമ്മയുമാണ് ഷെഹന.
ഭര്ത്താവുമായി അകന്നുകഴിയുകയായിരുന്നു ഇവര്. സംഭവസമയം യുവതിയുടെ ആണ്സുഹൃത്ത് വീട്ടിലുണ്ടായിരുന്നു. തിങ്കളാഴ്ച രാത്രി ഏഴ് മണിക്കാണ് സംഭവം. ഷെഹനയുടെ വീട്ടില്നിന്ന് ബഹളം കേട്ട് അയല്വാസികള് അടൂര് നഗരസഭ കൗണ്സിലര് നശ്മല് കാവിളയെ വിവരം അറിയിച്ചു. കൗണ്സിലര് വീട്ടിലെത്തി വീടിനുള്ളില് ഉണ്ടായിരുന്ന യുവാവിനോട് കതക് തുറക്കാന് ആവശ്യപ്പെട്ടു.
കതക് തുറന്നതോടെയാണ് ഷെഹനയെ തൂങ്ങിനില്ക്കുന്ന നിലയില് കണ്ടത്. ഷെഹനയുടെ ശരീരത്തില്നിന്നും രക്തം വരുന്നുണ്ടായിരുന്നു. യുവാവിന്റെ ശരീരത്തിലും രക്തപാടുകള് ഉണ്ടായിരുന്നു. അടൂരില് പോലീസ് വിവരം അറിയിച്ചു. പോലീസ് സ്ഥലത്തെത്തി യുവാവിനെ കസ്റ്റഡിയില് എടുക്കുകയായിരുന്നു.
SUMMARY: Young woman found hanging in Pathanamthitta; police take male friend into custody
