കൊച്ചി: ആലുവ റെയില്വേ സ്റ്റേഷനില് ആത്മഹത്യ ഭീഷണി മുഴക്കി യുവാവ്. പ്ലാറ്റ്ഫോമിന്റെ മേല്ക്കൂരയില് കയറിയാണ് ഇതര സംസ്ഥാനക്കാരനായ യുവാവ് ആത്മഹത്യാ ഭീഷണി മുഴക്കിയത്. ഇലക്ട്രിക് ലൈനിലേയ്ക്ക് ചാടുമെന്നായിരുന്നു ഭീഷണി. ഒരു മണിക്കൂറോളം നീണ്ട ശ്രമത്തിനൊടുവില് ആർ പി എഫ് യുവാവിനെ താഴെയിറക്കുകയായിരുന്നു.
പശ്ചിമബംഗാള് സ്വദേശിയായ യുവാവാണ് ആത്മഹത്യ ഭീഷണി മുഴക്കിയത്. അഗ്നിരക്ഷാസേന എത്തി താഴെയിറക്കാന് ശ്രമിച്ചെങ്കിലും ഫലമുണ്ടായില്ല. തുടര്ന്ന് യുവാവിന്റെ വീട്ടുകാരെ വീഡിയോ കോളില് വിളിച്ചു നല്കി അനുനയിപ്പിക്കാനായി ശ്രമം. ഇതിനിടെ യുവാവിന്റെ ശ്രദ്ധമാറിയ നിമിഷം ആര്പിഎഫ് ഉദ്യോഗസ്ഥര് പാലത്തില്നിന്ന് മേല്ക്കൂരയിലേക്ക് ചാടിയിറങ്ങി. തുടര്ന്ന് യുവാവിനെ കീഴ്പ്പെടുത്തുകയും മേല്ക്കൂരയില്നിന്ന് താഴെയിറക്കുകയുമായിരുന്നു.
മുക്കാല് മണിക്കൂറോളം ട്രെയിന് ഗതാഗതം തടസപ്പെട്ടു. ദീര്ഘദൂര ട്രെയിനുകളടക്കം പല സ്റ്റേഷനുകളിലായി നിര്ത്തിയിട്ടു. സംഭവത്തെ തുടർന്ന് ട്രെയിൻ ഗതാഗതം ഒരു മണിക്കൂറോളം തടസപ്പെട്ടു.
SUMMARY: Youth threatens suicide at Aluva railway station; train traffic disrupted
WhatsApp
Telegram
