റിയാദ്: സൗദി അറേബ്യയിലെ റിയാദില് ജയിലില് കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി മച്ചിലകത്ത് അബ്ദുല് റഹീമിന്റെ മോചന കേസില് വിധി പറയുന്നത് വീണ്ടും മാറ്റി. സാങ്കേതിക കാരണങ്ങള് കൊണ്ടാണ് കോടതി ഇന്നത്തെ സിറ്റിംഗ് മാറ്റിയത്. ഓണ്ലൈന് വഴിയാണ് കോടതി ചേര്ന്നത്.
അതേസമയം റഹീമിന്റെ കേസുമായി ബന്ധപ്പെട്ട് തടസങ്ങള് ഉള്ളത് കൊണ്ടല്ല സിറ്റിങ് നീട്ടിയതെന്നും മറിച്ച് റിയാദ് കോടതിയിലുണ്ടായ സാങ്കേതിക കാരണങ്ങളാണ് ഇതിലേക്ക് നയിച്ചതെന്നും റഹീം നിയമസഹായ സമിതി ഭാരവാഹികള് അറിയിച്ചു. ഓണ്ലൈന് വഴിയാണ് കോടതി ചേര്ന്നത്. ഇന്ന് ലിസ്റ്റ് ചെയ്ത ഒരു കേസും പരിഗണിച്ചില്ല.
കഴിഞ്ഞ രണ്ട് തവണയും അബ്ദുള് റഹീമിന്റെ കേസ് റിയാദിലെ ക്രിമിനല് കോടതി മാറ്റിവച്ചിരുന്നു. ജൂലൈ രണ്ടിന് അബ്ദുള് റഹീമിന്റെ വധശിക്ഷ കോടതി റദ്ദാക്കിയെങ്കിലും ജയില് മോചനം വൈകുകയാണ്. ബ്ലഡ് മണിയുടെ ചെക്കും രേഖകളും കോടതിയിലെത്തിച്ചതോടെ മോചനത്തിനായുള്ള നടപടിക്രമങ്ങളെല്ലാം പൂർത്തിയായിരുന്നു. തുടർന്നാണ് വധശിക്ഷ റദ്ദ് ചെയ്ത് വിധിയെത്തിയത്.
സൗദി പൗരന്റെ വീട്ടില് ജോലി ചെയ്യുകയായിരുന്നു അബ്ദുള് റഹീം. രോഗിയായ കുട്ടിയെ പരിചരിക്കുന്നതിനിടെ കുട്ടിയുടെ കഴുത്തില് സ്ഥാപിച്ച ജീവന്രക്ഷ ഉപകരണം അബ്ദുള് റഹീമിന്റെ കൈതട്ടി പോകുകയും കുട്ടി മരിക്കുകയുമായിരുന്നു. തുടര്ന്ന് സൗദി കോടതി അബ്ദുള് റഹീമിന് വധശിക്ഷ വിധിക്കുകയായിരുന്നു.
TAGS : ABDHUL RAHIM
SUMMARY : Release of Abdul Rahim: Petition changed
WhatsApp
Telegram
