കപ്പ് തൃശൂര്‍ ഇങ്ങു എടുത്തൂട്ടോ; ആശംസകളുമായി സുരേഷ് ഗോപി

തിരുവനന്തപുരം: സംസ്ഥാന സ്കൂള്‍ കലോത്സവത്തിലെ സ്വർണക്കപ്പ് സ്വന്തമാക്കിയ തൃശൂരിന് ആശംസയുമായി തൃശൂർ എം പി സുരേഷ് ഗോപി രംഗത്തെത്തി.  സോഷ്യൽമീഡിയയിലൂടെയാണ് സുരേഷ് ഗോപി തന്റെ ആശംസകള്‍ അറിയിച്ചത്. 2024-25 കേരള സ്കൂള്‍ കലോത്സവ കിരീടം നമ്മുടെ സ്വന്തം തൃശൂർ ഇങ്ങു എടുത്തൂട്ടോ. വിജയികള്‍ക്ക് എന്റെ ഹൃദയം നിറഞ്ഞ ആശംസകൾ എന്ന് സുരേഷ് ഗോപി കുറിച്ചു.

അതേസമയം കാല്‍നൂറ്റാണ്ടിന് ശേഷമാണ് കിരീടം തൃശൂരിലെത്തുന്നത്. 1008 പോയിന്റ് നേടിയാണ് തൃശൂർ സ്വർണക്കപ്പ് സ്വന്തമാക്കിയത്. 1999 ലെ കൊല്ലം കലോത്സവത്തിലാണ് തൃശ്ശൂർ അവസാനമായി കപ്പ് നേടിയത്. സ്കൂളുകളില്‍ ആലത്തൂര്‍ ഗുരുകുലം 12ാം തവണയും ചാമ്പ്യന്മാരായി. ഒരു പോയിന്‍റിന്‍റെ വ്യത്യാസത്തില്‍ 1007 പോയിന്‍റോടെയാണ് പാലക്കാട് രണ്ടാം സ്ഥാനത്തെത്തിയിരിക്കുന്നത്. തുടക്കം മുതല്‍ ഇഞ്ചോടിഞ്ച് പോരാട്ടം നടത്തിയിരുന്ന കണ്ണൂര്‍ ജില്ലയാണ് മൂന്നാം സ്ഥാനത്ത്.

TAGS : SURESH GOPI
SUMMARY : State school festival: Best regards Suresh Gopi