കാർ സിമന്റ്‌ ട്രക്കിലിടിച്ച് അപകടം; രണ്ട് വയസുകാരൻ ഉൾപ്പെടെ രണ്ട് മരണം

ബെംഗളൂരു: കാർ സിമന്റ്‌ ട്രക്കിലിടിച്ചുണ്ടായ അപകടത്തിൽ രണ്ട് വയസുകാരൻ ഉൾപ്പെടെ രണ്ട് പേർ മരിച്ചു. തുമകുരു സിറ താലൂക്കിലെ കടബഗെരെ പാലത്തിന് സമീപം ബുധനാഴ്ച പുലർച്ചെയാണ് അപകടമുണ്ടായത്. ഗുരുരാജ് (35), മകൻ റിഷാങ്ക് എന്നിവരാണ് മരിച്ചത്.

ഗുരുതരമായി പരിക്കേറ്റ ഭാര്യ ഹർഷിതയെ (28) ചികിത്സയ്ക്കായി സിറയിലെ സർക്കാർ ആശുപത്രിയിലേക്ക് മാറ്റി. പാലത്തിനു സമീപം പാർക്ക് ചെയ്തിരുന്ന സിമൻ്റ് മിക്‌സർ ട്രക്കിലേക്ക് കാർ ഇടിച്ചുകയറുകയായിരുന്നു. മുണ്ടർഗിയിൽ നിന്ന് ബെംഗളൂരുവിലേക്ക് പോവുകയായിരുന്നു ഗുരുരാജിന്റെ കുടുംബം. സംഭവത്തിൽ കല്ലംബെല്ല പോലീസ് കേസെടുത്തു.

TAGS: KARNATAKA | ACCIDENT
SUMMARY: Man, 2-year-old son die, wife seriously injured after car crashes into parked cement mixer