കർണാടക ആർടിസി ബസിടിച്ച് യുവാവ് മരിച്ചു

ബെംഗളൂരു: കർണാടക ആർടിസി ബസിടിച്ച് യുവാവ് മരിച്ചു. മാണ്ഡ്യ മദ്ദൂർ ബസ് സ്റ്റാൻഡിൽ ബുധനാഴ്ചയാണ് സംഭവം. തുബിനകെരെ സ്വദേശി അരുൺ (23) ആണ് മരിച്ചത്. ബെംഗളൂരു-മൈസൂരു ഹൈവേയിലേക്ക് കയറാൻ ശ്രമിക്കുന്നതിനിടെയാണ് അരുണിനെ ബസിടിച്ചത്. ബസ് വളവ് തിരിയുന്നതിനിടെ അരുൺ പെട്ടെന്ന് പിൻചക്രത്തിനടിയിലേക്ക് വീഴുകയായിരുന്നു.

യുവാവ് ആത്മഹത്യ ചെയ്തതാകാമെന്നാണ് പോലീസിന്റെ പ്രാഥമിക നിഗമനം. ബസ് ഹൈവേയിലേക്ക് കയറുന്നതിനിടെ അരുൺ ബസിന് പുറകിലേക്ക് വീഴുകയായിരുന്നുവെന്ന് ദൃക്സാക്ഷികൾ പറഞ്ഞു. യുവാവിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ മദ്ദൂർ ടൗൺ പോലീസ് കേസെടുത്തു.

TAGS: ACCIDENT
SUMMARY: Youth comes under bus and dies in Maddur, suicide suspected