ഫിഡെ ചെസ് ഒളിംപ്യാഡില്‍ ചരിത്ര നേട്ടവുമായി ഇന്ത്യ. ചെസ് ഒളിംപ്യാഡില്‍ ആദ്യമായി ഇന്ത്യ സ്വര്‍ണം നേടി. പുരുഷ വിഭാഗത്തിലാണ് ഇന്ത്യയുടെ നേട്ടം. ഗുകേഷ് ഡി., പ്രഗ്നാനന്ദ, അര്‍ജുന്‍ എരിഗാസി, വിദിത് ഗുജറാത്തി എന്നിവര്‍ അടങ്ങിയ സംഘമാണ് കിരീടം നേടിയത്.
സ്ലോവേനിയയ്ക്ക് എതിരായ മത്സരം സമനിലയിലായതാണ് ഇന്ത്യയെ കിരീടനേട്ടത്തില്‍ എത്തിച്ചത്. നിലവിൽ പോയിന്റ് നിലയില്‍ ചൈനയേക്കാള്‍ ഏറെ മുന്നിലാണ് ഇന്ത്യ. ഇനിയുള്ള മത്സരങ്ങള്‍ വിജയിച്ചാലും ചൈനയ്ക്ക് ഇന്ത്യയെ മറികടക്കാനാവില്ല.
ഓപ്പണ്‍ വിഭാഗം പത്താം റൗണ്ടില്‍ ഇന്ത്യ ടോപ് സീഡായ യുഎസിനെ അട്ടിമറിച്ചു (2.51.5). ഇന്ത്യയുടെ ആര്‍. പ്രഗ്നാനന്ദ, വെസ്ലി സോയോടു തോറ്റെങ്കിലും ലോക രണ്ടാം നമ്പര്‍ താരം ഫാബിയാനോ കരുവാനയെ അട്ടിമറിച്ച് ഡി.ഗുകേഷും, ഡൊമിനിഗസ് പെരെസ് ലിനിയറിനെ തോല്‍പിച്ച് അര്‍ജുന്‍ എരിഗാസിയും ഇന്ത്യയ്ക്ക് വിജയം സമ്മാനിച്ചു. വിദിത് അരോണിയന്‍ മത്സരം സമനിലയിലായി അവസാനിച്ചു.
TAGS: SPORTS | CHESS
SUMMARY: India won gold in chess olympiad for first time
WhatsApp
Telegram
