ബെംഗളൂരു സബർബൻ പദ്ധതി; നാലാം ഇടനാഴിക്കായി ഭൂമി അനുവദിച്ചു

ബെംഗളൂരു: ബെംഗളൂരു സബർബൻ റെയിൽവേ പദ്ധതിയുടെ (ബിഎസ്ആർപി) നാലാം ഇടനാഴി നിർമാണത്തിനായി 114.47 ഏക്കർ ഭൂമി അനുവദിച്ച് സൗത്ത് വെസ്റ്റേൺ റെയിൽവേ (എസ്‌ഡബ്ല്യുആർ).

ഹീലലിഗെയ്ക്കും രാജനുകുണ്ടേയ്ക്കും ഇടയിലുള്ള കനക ലൈൻ ആണ് നാലാം ഇടനാഴിയിൽ ഉൾപ്പെടുന്നത്. റെയിൽ ഇൻഫ്രാസ്ട്രക്ചർ ഡെവലപ്‌മെൻ്റ് കമ്പനി-കർണാടക ലിമിറ്റഡ് (കെ-റൈഡ്) ആണ് പദ്ധതി നടപ്പാക്കുന്നത്.  രണ്ടാം ഇടനാഴിക്ക് (മല്ലിഗെ ലൈൻ) 85.707 ഏക്കർ വരുന്ന പുതുക്കിയ റെയിൽവേ ഭൂമിയുടെ പാട്ടക്കരാറും എസ്ഡബ്ല്യൂആർ അനുവദിച്ചു.

കനക ലൈനിൽ ആകെ 46.285 കിലോമീറ്റർ നീളത്തിലാണ് പാത വരുന്നത്. ഇതിൽ 8.96 കിലോമീറ്റർ വയഡക്ടിലാണ്. തറനിരപ്പിലൂടെ 37.92 കിലോമീറ്റർ ദൂരവും. ഈ ദൂരത്തിനിടയിൽ 19 സ്റ്റേഷനുകൾ വരും. രജൻകുണ്ടേ, മുഡ്ഡനഹള്ളി, യെലഹങ്ക, ജക്കൂർ, ഹെഗ്ഡെ നഗർ, തനിസാന്ദ്ര, ഹെന്നൂർ, ഹൊറമാവ്, ഛന്നസാന്ദ്ര, ബെന്നിഗനഹള്ളി, കാഗദാസ്പുര, ദൊഡ്ഡനെകുണ്ഡി, മാരതഹള്ളി, ബെലന്ദൂർ റോഡ്, കാർമെലാരാം, അംബേദ്കർ നഗർ, ഹുസ്കൂർ, സിംഗേന അഗ്രഹാര, ബൊമ്മസാന്ദ്ര, ഹീലലിഗെ എന്നിവയാണ് സ്റ്റേഷനുകൾ.

The post ബെംഗളൂരു സബർബൻ പദ്ധതി; നാലാം ഇടനാഴിക്കായി ഭൂമി അനുവദിച്ചു appeared first on News Bengaluru.