മൂന്ന് മാസം പ്രായമായ കുഞ്ഞിനെ റോഡരികിൽ ഉപേക്ഷിച്ച നിലയിൽ കണ്ടെത്തി

ബെംഗളൂരു: മൂന്ന് മാസം പ്രായമായ കുഞ്ഞിനെ റോഡരികിൽ ഉപേക്ഷിച്ച നിലയിൽ കണ്ടെത്തി. ടിപ്ത്തൂർ താലൂക്കിലെ ഹെഡഗരഹള്ളി ഗ്രാമത്തിൽ ഞായറാഴ്ച രാത്രിയാണ് സംഭവം. കുഞ്ഞിനെ വഴിയരികിൽ ഉപേക്ഷിച്ച നിലയിലാണ് കണ്ടെത്തിയത്. തുടർന്ന് ആരോഗ്യ വകുപ്പ് അധികൃതർ കുഞ്ഞിനെ രക്ഷപ്പെടുത്തി ടിപ്ത്തൂരിലെ സർക്കാർ ആശുപത്രിയിലേക്ക് മാറ്റി.

ആശാ വർക്കർ കലാവതിയാണ് അത്താഴം കഴിഞ്ഞ് വീട്ടിലേക്ക് മടങ്ങുന്നതിനിടെ കുഞ്ഞിൻ്റെ കരച്ചിൽ കേട്ടത്. പരിശോധിച്ചപ്പോൾ ഉപേക്ഷിക്കപ്പെട്ട നിലയിൽ കുഞ്ഞിനെ കണ്ടെത്തി. ഉടൻ തന്നെ കലാവതി നൊനവിനകെരെ പോലീസിലും ആരോഗ്യ വകുപ്പിലും വിവരമറിയിക്കുകയായിരുന്നു. നിലവിൽ കുട്ടിയുടെ മാതാപികൾക്കായുള്ള തിരച്ചിലിലാണെന്ന് പോലീസ് പറഞ്ഞു.

TAGS: KARNATAKA | ABANDONED | BABY
SUMMARY: Three month old baby found abandoned tiptur