ബെംഗളൂരു: ചെന്നൈ – ബെംഗളൂരു ഹൈവേയിൽ ആഡംബര വോൾവോ ബസിന് തീപിടിച്ചു. തിരുപ്പത്തൂരിലെ നട്രംപള്ളി ടൗണിന് സമീപമുള്ള വേലകൽനാഥം ഗ്രാമത്തിൽ ഞായറാഴ്ചയാണ് സംഭവം. ഡ്രൈവറും, യാത്രക്കാരും തലനാരിഴയ്ക്കാണ് രക്ഷപ്പെട്ടത്. ബെംഗളൂരു സ്വദേശിയായ ബസ് ഡ്രൈവർ എ.അൻസാർ ബാഷയാണ് ബസ് ഓടിച്ചിരുന്നത്.
ചെന്നൈയിലെ സിഎംബിടി കോയമ്പേടുവിൽ നിന്ന് ബെംഗളൂരുവിലേക്ക് പോകുന്നതിനിടെയാണ് ബസിന് തീപിടിച്ചത്. 35 യാത്രക്കാരാണ് ബസിലുണ്ടായിരുന്നത്.
വാഹനത്തിൽ നിന്ന് പുക ഉയരുന്നത് കണ്ടതോടെ ബസ് നിർത്തി ബാഷ പുറത്തിറങ്ങി. ബസിലുണ്ടായിരുന്ന യാത്രക്കാരെയും വാഹനത്തിൽ നിന്ന് പുറത്തിറക്കി. നട്രംപള്ളി പോലീസും ഫയർഫോഴ്‌സും സ്ഥലത്തെത്തി തീയണച്ചു. സംഭവത്തിൽ ബസ് പൂർണമായും കത്തിനശിച്ചു. തീപ്പിടുത്തത്തിന്റെ കാരണം വ്യക്തമല്ല. സംഭവത്തിൽ നട്രംപള്ളി പോലീസ് കേസെടുത്തു.
TAGS: BENGALURU | FIRE
SUMMARY: Luxury tourist bus catches fire; 35 passengers escape unhurt in Tirupattur on Chennai – Bengaluru highway
WhatsApp
Telegram
