നന്ദിനി പാലിന്റെ വില വീണ്ടും വർധിച്ചേക്കും

ബെംഗളൂരു: സംസ്ഥാനത്ത് നന്ദിനി പാലിന്റെ വില വീണ്ടും വർധിച്ചേക്കും. ലിറ്ററിന് 5 രൂപ വിലവർധിപ്പിക്കാനാണ് തീരുമാനം. ഇത് സംബന്ധിച്ച് സംസ്ഥാന സർക്കാരിന് നിർദേശം സമർപ്പിക്കുമെന്ന് കർണാടക മിൽക്ക് ഫെഡറേഷൻ (കെഎംഎഫ്) അറിയിച്ചു. നിലവിൽ പാൽ പാക്കറ്റിൽ അധികമായി നൽകുന്ന 50 മില്ലി നിർത്തലാക്കാനും കെഎംഎഫ് പദ്ധതിയിടുന്നുണ്ട്.

സംക്രാന്തിക്ക് ശേഷം പാൽ വില വർധന സംബന്ധിച്ച് മുഖ്യമന്ത്രി സിദ്ധരാമയ്യയുമായി ചർച്ച നടത്തും. രണ്ട് രൂപ വർധിപ്പിച്ച് അധികമായി നൽകിയിരുന്ന 50 മില്ലി പാലും നിർത്തലാക്കുകയോ, 5 രൂപ വർധിപ്പിച്ച് നിലവിലുള്ള രീതി തുടരുകയോ ചെയ്യുമെന്ന് ഫെഡറേഷൻ ചെയർമാൻ ഭീമാ നായിക് പറഞ്ഞു. ഇത് സംബന്ധിച്ച് ക്ഷീര കർഷക യുണിയനുകളുടെ യോഗം ശനിയാഴ്ച ചേരുമെന്നും അദ്ദേഹം കൂട്ടിച്ചേർത്തു.

TAGS: BENGALURU | NANDINI MILK
SUMMARY: KMF to discontinue 50 ml excess milk in sachets after Sankranti, plans price hike