സ്വര്‍ണവില വീണ്ടും ഉയര്‍ന്നു

തിരുവനന്തപുരം: കേരളത്തിൽ സ്വര്‍ണവില വീണ്ടും ഉയര്‍ന്നു. ഇന്ന് ഗ്രാമിന് 70 രൂപയാണ് കൂടിയത്. ഇതോടെ വില 7065 രൂപയിലെത്തി. പവന് 560 രൂപ കൂടി 56520 രൂപയായി. ഇന്നലെ ഗ്രാമിന് 80 രൂപയാണ് സ്വര്‍ണത്തിന് കൂടിയത്. ഇതോടെ വില 6995 രൂപയിലെത്തുകയായിരുന്നു.

പവന് 640 രൂപ കൂടി 55960 രൂപയിലാണ് ഇന്നലെ വ്യാപാരം നടന്നത്. നവംബര്‍ 14,16,17 തീയതികളില്‍ ഈ മാസത്തെ ഏറ്റവും കുറഞ്ഞ നിരക്കിലായിരുന്നു സ്വര്‍ണം. നവംബർ 14, 16, 17 തീയതികളിലായി സ്വർണവില കുത്തനെ ഇടിഞ്ഞിരുന്നു. അമേരിക്കൻ പ്രസിഡന്റ് തിരഞ്ഞെടുപ്പിന് പിന്നാലെയാണ് സ്വർണവിലയില്‍ ഇടിവ് കണ്ടു തുടങ്ങിയത്. എന്നാല്‍ 18ാം തീയതി മുതല്‍ വില വീണ്ടും വർധിക്കുകയായിരുന്നു.

TAGS : GOLD RATES
SUMMARY : Gold rate is increased