ബെംഗളൂരു: സമൂഹമാധ്യമത്തിൽ അപകീർത്തികരമായ പോസ്റ്റ് പ്രചരിപ്പിച്ചതിന് കർണാടക ബിജെപി പ്രസിഡന്റ് ബി. വൈ. വിജയേന്ദ്രക്കെതിരെ കേസെടുത്തു. കോൺഗ്രസ് നേതാക്കളാണ് പരാതി നൽകിയത്. സംസ്ഥാനത്തെ ക്രമസമാധാനത്തെ ബാധിക്കുന്ന രീതിയിൽ വിജയേന്ദ്ര പോസ്റ്റ് ഷെയർ ചെയ്തെന്നാണ് പരാതി.
ബിജെപി കർണാടകയുടെ ഔദ്യോഗിക എക്സ് ഹാൻഡിലിൽ ഏപ്രിൽ 19നാണ് കേസിനാസ്പദമായ പോസ്റ്റ് വിജയേന്ദ്ര ഷെയർ ചെയ്തത്. കോൺഗ്രസ് സർക്കാരിനെതിരെയുള്ളതായിരുന്നു പോസ്റ്റ്. സർക്കാരിന്റെ നയങ്ങളെ കുറ്റപ്പെടുത്തിയും അദ്ദേഹം പോസ്റ്റ് ചെയ്തിരുന്നു. സർക്കാരിനെ മനപൂർവം അപകീർത്തിപ്പെടുത്താനാണ് ഇത്തരം പോസ്റ്റുകൾ ഷെയർ ചെയ്തതെന്ന് കോൺഗ്രസ് പരാതിയിൽ ആരോപിച്ചു.
തിരഞ്ഞെടുപ്പ് കമ്മിഷൻ (എഫ്എസ്ടി) ആണ് എഫ്ഐആർ രജിസ്റ്റർ ചെയ്തത്. സംഭവത്തിൽ മല്ലേശ്വരം പോലീസ് സ്റ്റേഷനിലും കോൺഗ്രസ് പരാതി നൽകിയിട്ടുണ്ട്.
The post അപകീർത്തികരമായ പോസ്റ്റ്; ബി. വൈ. വിജയേന്ദ്രക്കെതിരെ കേസ് appeared first on News Bengaluru.
WhatsApp
Telegram
