അമിതവേഗതയിലായിരുന്ന ട്രക്ക് ബൈക്കിലിടിച്ച് പത്ത് വയസുകാരൻ മരിച്ചു

ബെംഗളൂരു: അമിതവേഗതയിലായിരുന്ന ട്രക്ക് ബൈക്കിലിടിച്ച് പത്ത് വയസുകാരൻ മരിച്ചു. ഹെന്നൂർ ബന്ദെ മെയിൻ റോഡിൽ ശനിയാഴ്ചയാണ് അപകടമുണ്ടായത്. ഭാനുതേജ് ആണ് മരിച്ചത്. ഭാനു സഹോദരനൊപ്പം ബൈക്കിൽ പോകുമ്പോഴായിരുന്നു സംഭവം.

ഇടിയുടെ ആഘാതത്തിൽ ഭാനുതേജിന് തലയ്ക്ക് ഗുരുതരമായി പരുക്കേറ്റു. ഉടൻ സമീപത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിൽ സഹോദരനും ഗുരുതര പരുക്കേറ്റു. ഇയാൾ അംബേദ്കർ ആശുപത്രിയിൽ ചികിത്സയിലാണ്.

അപകടം നടന്നയുടൻ ട്രക്ക് ഡ്രൈവർ സംഭവസ്ഥലത്ത് നിന്നും ഓടിരക്ഷപ്പെട്ടു. നിലവിൽ ഇയാൾ ഒളിവിലാണ്. സംഭവത്തിൽ ഹെന്നൂർ ട്രാഫിക് പോലീസ് കേസെടുത്തു.

TAGS: BENGALURU | ACCIDENT
SUMMARY: 10-year-old boy dies after speeding truck knocks down two-wheeler in Hennur