കോഴിക്കോട്: അന്തരിച്ച മഹാസാഹിത്യകാരൻ എം.ടി വാസുദേവൻ നായരുടെ സംസ്കാരം വ്യാഴാഴ്ച വൈകീട്ട് അഞ്ചിന് മാവൂർ റോഡ് ശ്മശാനത്തിൽ നടക്കും. ഭൗതിക ശരീരം കോഴിക്കോട് കൊട്ടാരം റോഡിലെ വസതിയായ സിതാരയിലെത്തിച്ചു. എം.ടിയുടെ ആഗ്രഹ പ്രകാരം പൊതുദർശനം ഒഴിവാക്കി.
എം.ടിക്ക് ആദര സൂചകമായി സംസ്ഥാന സര്ക്കാര് ഡിസംബര് 26, 27 തിയ്യതികളില് ഔദ്യോഗികമായി ദുഃഖം ആചരിക്കും. 26 നു ചേരാനിരുന്ന മന്ത്രിസഭായോഗം ഉള്പ്പെടെ എല്ലാ സര്ക്കാര് പരിപാടികളും മാറ്റിവെക്കാന് മുഖ്യമന്ത്രി പിണറായി വിജയന് നിര്ദ്ദേശം നല്കിയിട്ടുണ്ട്.
കോഴിക്കോട്ടെ സ്വകാര്യ ആശുപത്രിയില് ചികിത്സയിലിരിക്കെ ഇന്നലെ രാത്രി പത്തോടെയായിരുന്നു എം.ടിയുടെ മരണം. ഫെബ്രുവരി 15നാണ് ശ്വാസകോശസംബന്ധമായ അസുഖത്തെത്തുടര്ന്ന് എം.ടിയെ കോഴിക്കോട്ടെ സ്വകാര്യ ആശുപത്രയില് പ്രവേശിപ്പിച്ചത്. വിദഗ്ധ ഡോക്ടര്മാരുടെ കീഴില് ചികിത്സയില് തുടരവെയായിരുന്നു എംടിയുടെ വിയോഗം.
<br>
TAGS : MT VASUDEVAN NAIR
SUMMARY : MT’s funeral will be held this evening
WhatsApp
Telegram
