കാബൂള്: അഫ്ഗാനിസ്താൻ തലസ്ഥാനമായ കാബൂളിലുണ്ടായ സ്ഫോടനത്തില് താലിബാൻ സർക്കാറിലെ മന്ത്രി കൊല്ലപ്പെട്ടു. അഭയാർഥി കാര്യ മന്ത്രി ഖലീലുർറഹ്മാൻ ഹഖാനി ആണ് കൊല്ലപ്പെട്ടത്. അഭയാർഥി കാര്യമന്ത്രാലയത്തിനുള്ളിലായിരുന്നു സ്ഫോടനം നടന്നത്.
കാബൂളില് നടന്ന ചാവേർ സ്ഫോടനത്തില് താലിബാൻ ഖലീല് റഹ്മാൻ ഹഖാനി കൊല്ലപ്പെട്ടതായി ആഭ്യന്തര മന്ത്രാലയ ഉദ്യോഗസ്ഥർ സ്ഥിരീകരിച്ചിട്ടുണ്ട്. മന്ത്രാലയത്തിനുള്ളില് സ്ഫോടനം ഉണ്ടായതായും ഖലീല് ഹഖാനി കൊല്ലപ്പെട്ടതായുമാണ് അധികൃതർ അറിയിച്ചത്. അഫ്ഗാനിസ്താനില് മൂന്ന് വർഷം മുമ്പ് താലിബാൻ അധികാരത്തില് തിരിച്ചെത്തിയതിന് ശേഷം ബോംബാക്രമണത്തില് കൊല്ലപ്പെടുന്ന ഏറ്റവും പ്രമുഖ വ്യക്തിയാണ് ഹഖാനി. എന്നാല് സ്ഫോടനത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല.
2021-ല് അഫ്ഗാനിസ്താനില് നിന്ന് വിദേശസേന പിൻവാങ്ങിയതിന് ശേഷമാണ് ഖലീല് ഹഖാനി താലിബാന്റെ ഇടക്കാല സർക്കാരില് മന്ത്രിയാകുന്നത്. യുദ്ധത്തില് യുഎസ് നേതൃത്വത്തിലുള്ള സേനയ്ക്ക് എതിരായ ആക്രമണങ്ങള് അഴിച്ചുവിട്ട തീവ്രവാദ വിഭാഗമായ ഹഖാനി ശൃംഖലയുടെ മുതിർന്ന നേതാവായിരുന്നു അദ്ദേഹം.
TAGS : LATEST NEWS
SUMMARY : Explosion in Kabul; Taliban minister killed
WhatsApp
Telegram
