കൈരളി കലാസമിതി ‘ഓണോത്സവം’ സംഘടിപ്പിച്ചു

ബെംഗളൂരു: കൈരളി കലാസമിതി ‘ഓണോത്സവം 2024’ നോവലിസ്റ്റ് ബെന്യാമിൻ ഉദ്ഘാടനം ചെയ്തു. കന്നഡ എഴുത്തുകാരൻ സതീഷ് ചപ്പരികെ വിശിഷ്ടാതിഥിയായി. പൂക്കള മത്സരത്തോടെ ഓണോത്സവം ആരംഭിച്ചു, തുടർന്ന് കൈരളി മഹിളാ വേദി, യുവജന വേദി, കൈരളീ നിലയം സ്‌കൂൾ വിദ്യാർഥിനികൾ,എന്നിവയുടെ നേതൃത്വത്തിൽ പ്രച്ഛന്നവേഷമത്സരം, വിവിധ കലാപരിപാടികൾ, ഓണസദ്യ എന്നിവയുണ്ടായിരുന്നു.

പൊതുസമ്മേളനത്തിൽ കൈരളി കലാസമിതി പ്രസിഡന്റ് സുധാകരൻ രാമന്തളി അധ്യക്ഷത വഹിച്ചു. ജനറൽ സെക്രട്ടറി പി.കെ. സുധീഷ് സ്വാഗതം പറഞ്ഞു. രാധാകൃഷ്ണൻ ജെ. നായർ, കെ. രാധാകൃഷ്ണൻ, വി.എം. രാജീവ്, സി. വിജയകുമാർ എന്നിവർ സംസാരിച്ചു. വിഷ്ണു അശോക്, ജയൻ ഇയ്യക്കാട് എന്നിവര്‍ അവതരിപ്പിച്ച ഇൻസ്ട്രുമെന്റൽ ഫ്യൂഷന്‍, പിന്നണിഗായകൻ മധു ബാലകൃഷ്ണനും സംഘവും അവതരിപ്പിച്ച സംഗീതനിശ എന്നിവ അരങ്ങേറി.
<br>
TAGS : ONAM-2024