ബെംഗളൂരു: കോറമംഗലയിൽ യുവതി കൂട്ടബലാത്സംഗത്തിനിരയായ സംഭവത്തിൽ നാല് പേർ പിടിയിൽ. പശ്ചിമ ബംഗാളിൽ നിന്നുള്ള അജിത്, ബിഷ്‌ണോയി, മറ്റൊരാൾ ഉത്തരാഖണ്ഡിൽ നിന്നുള്ള ശിവു എന്നിവരാണ് അറസ്റ്റിലായത്. പ്രതികളെല്ലാം 20 നും 25 നും ഇടയിൽ പ്രായമുള്ളവരാണ്. ഇവരെല്ലാം കോറമംഗലയിലെ സ്വകാര്യ ഹോട്ടലിൽ വെയിറ്റർമാരായി ജോലി ചെയ്തുവരികയായിരുന്നു.
വെള്ളിയാഴ്ച പുലർച്ചെ 1നും 3നും ഇടയിലാണ് സംഭവം. പ്രതികളിൽ ഒരാൾ യുവതിയുടെ സുഹൃത്താണ്. ഇയാളാണ് യുവതിയെ ഹോട്ടലിന്റെ ടെറസിലേക്ക് കൂട്ടിക്കൊണ്ടുപോയത്. തുടർന്ന് മറ്റ്‌ മൂന്ന് പേരും കൂടി ടെറസിലേക്ക് എത്തുകയായിരുന്നു. കോറമംഗലയിലെ ജ്യോതി നിവാസ് ജംഗ്ഷനു സമീപമുള്ള സ്വകാര്യ ഹോട്ടലിൽ വെച്ചായിരുന്നു സംഭവം. യുവതി തന്നെയാണ് പീഡനവിവരം പോലീസിനെ അറിയിച്ചത്. യുവതി സ്വകാര്യ ആശുപത്രിയിൽ ചികിത്സയിലാണെന്ന് ജോയിന്റ് കമ്മീഷണർ (ഈസ്റ്റ്) രമേശ് ബനോത്ത് പറഞ്ഞു.
TAGS: BENGALURU
SUMMARY: Police Arrest 4 Accused In Bengaluru Gang Rape Case
WhatsApp
Telegram
