കോളജ് വിദ്യാർഥിനി കുളത്തിൽ മരിച്ച നിലയിൽ

കൊച്ചി: പത്തൊമ്പതുകാരിയായ കോളജ് വിദ്യാർഥിനിയെ കുളത്തിൽ മരിച്ച നിലയിൽ കണ്ടെത്തി. എറണാകുളം തൃക്കാക്കര തേവക്കലിൽ ബി.ബി.എ വിദ്യാർഥിനിയായ അമൃതയാണ് മരിച്ചത്. കഴിഞ്ഞ രാത്രി 12.30ഓടെ പെൺകുട്ടിയെ വീട്ടിൽനിന്ന് കാണാതായതിനെ തുടർന്ന് അന്വേഷണം നടക്കുകയായിരുന്നു. വീടിനടുത്തുള്ള കുളത്തിൽ തിങ്കളാഴ്ച രാവിലെ കണ്ടെത്തിയ മൃതദേഹം അഗ്നിരക്ഷാസേന പുറത്തെത്തിക്കുകയായിരുന്നു.

സ്വകാര്യ കോളജിലെ വിദ്യാർഥിനിയായിരുന്നു അമൃത. ആത്മഹത്യയാണെന്നാണ് പ്രാഥമിക നിഗമനം. എന്നാൽ ഇക്കാര്യത്തിൽ ഇതുവരെ സ്ഥിരീകരണമായിട്ടില്ല. പോസ്റ്റ്മോർട്ടത്തിനു ശേഷമാകും തുടർനടപടികൾ സ്വീകരിക്കുക. തുടരന്വേഷണത്തിൽ മാത്രമേ മരണകാരണം വ്യക്തമാകൂ എന്നും പോലീസ് പറഞ്ഞു.
<BR>
TAGS : DEATH | KERALA
SUMMARY :  College student found dead in pool