ഡൽഹിയിൽ വോട്ടെണ്ണൽ തുടങ്ങി; തപാൽ വോട്ടുകളിൽ ബിജെപി മുന്നേറ്റം

ന്യൂ​ഡ​ൽ​ഹി: രാ​ജ്യം ഉ​റ്റു​നോ​ക്കു​ന്ന ഡ​ൽ​ഹി നി​യ​മ​സ​ഭ തി​ര​ഞ്ഞെ​ടു​പ്പിന്‍റെ വോട്ടെണ്ണല്‍ ആരംഭിച്ചു. പോസ്റ്റല്‍ വോട്ടുകളില്‍ ബി.ജെ.പിയാണ് മുന്നില്‍. ആദ്യ ഫലസൂചനകള്‍ വരുമ്പോള്‍ അരവിന്ദ് കെജ്‌രിവാള്‍, മുഖ്യമന്ത്രി അതിഷി, മനീഷ് സിസോദിയ എന്നിവര്‍ പിന്നിലാണ്. നിലവില്‍ ബിജെപി 29 എഎപി 23 കോൺ​ഗ്രസ് 02 എന്നിങ്ങനെയാണ് ലീഡ് നില. രാ​വി​ലെ 10 മ​ണി​യോ​ടെ ഏകദേശ സൂ​ച​ന​ക​ൾ വ്യ​ക്ത​മാ​കും.

തുടർഭരണം ലക്ഷ്യമിടുന്ന ആം ആദ്മി പാർട്ടിയും കാൽനൂറ്റാണ്ടിനുശേഷം അധികാരത്തിലെത്താൻ ശ്രമിക്കുന്ന ബി.ജെ.പി.യും തമ്മിലാണ് ഡല്‍ഹിയില്‍ പ്രധാനമത്സരം നടക്കുന്നത്.  എ​ക്സി​റ്റ്പോ​ളു​ക​ളു​ടെ പി​ൻ​ബ​ല​ത്തി​ൽ ബി.​ജെ.​പി​യി​ൽ സ​ർ​ക്കാ​ർ രൂ​പ​വ​ത്ക​ര​ണ ച​ർ​ച്ച സ​ജീ​വ​മാ​ണ്. എ​ന്നാ​ൽ, ക​ഴി​ഞ്ഞ നി​യ​മ​സ​ഭ തി​ര​ഞ്ഞെ​ടു​പ്പി​ലും ബി.​ജെ.​പി അ​ധി​കാ​ര​ത്തി​ലെ​ത്തു​മെ​ന്നാ​യി​രു​ന്നു എ​ക്സി​റ്റ് പോ​ൾ പ്ര​വ​ച​ന​മെ​ന്ന് ചൂ​ണ്ടി​ക്കാ​ട്ടി ആം ​ആ​ദ്മി പാ​ർ​ട്ടി നേ​താ​ക്ക​ൾ പ്ര​തീ​ക്ഷ​യി​ലാ​ണ്.എക്സിറ്റ് പോൾ പ്രവചനങ്ങളിൽ ബി.ജെ.പി.ക്കാണ് മുൻതൂക്കം.70 അംഗ നിയമസഭയിൽ കേവലഭൂരിപക്ഷത്തിന് 36 സീറ്റുവേണം. 2020-ൽ എ.എ.പി. 62 സീറ്റും ബി.ജെ.പി. എട്ടു സീറ്റുമാണ് നേടിയത്.
<BR>
TAGS : DELHI ELECTION-2025,