കൊച്ചി: കാക്കനാട് ശിശു സംരക്ഷണ കേന്ദ്രത്തില് മാനസിക വെല്ലുവിളി നേരിടുന്ന പെണ്കുട്ടിയുള്പ്പെടെ നാല് അന്തേവാസികള്ക്ക് നേരെ ലൈംഗികാതിക്രമം നടന്ന ഞെട്ടിക്കുന്ന സംഭവം പുറത്തുവന്നു. കുട്ടികളുടെ മൊഴിയുടെ അടിസ്ഥാനത്തില് സംരക്ഷണ കേന്ദ്രത്തിലെ ജീവനക്കാർക്കെതിരെ തൃക്കാക്കര പോലീസ് പോക്സോ കേസ് രജിസ്റ്റർ ചെയ്തു.
2024 നവംബറിലാണ് കേസിനാസ്പദമായ സംഭവം നടന്നതെന്നാണ് പ്രാഥമിക വിവരം. മാനസിക വെല്ലുവിളി നേരിടുന്ന 14 വയസ്സുള്ള അസം സ്വദേശിനി ക്രൂരതയ്ക്ക് ഇരയായവരില് ഉള്പ്പെടുന്നു. സംരക്ഷണ കേന്ദ്രത്തിലെ ഒരു ജീവനക്കാരൻ, ഡ്രൈവർ, ഗേറ്റ് കീപ്പർ എന്നിവർക്കെതിരെയാണ് പോലീസ് നിലവില് കേസെടുത്തിരിക്കുന്നത്.
സംരക്ഷണം നല്കേണ്ട സ്ഥാപനത്തില് നിന്നുതന്നെ ഇത്തരമൊരു ക്രൂരത ഉണ്ടായത് സമൂഹത്തില് വലിയ പ്രതിഷേധത്തിന് ഇടയാക്കിയിട്ടുണ്ട്.
SUMMARY: Sexual assault against four people, including a mentally challenged girl, at a child care center
WhatsApp
Telegram
