കാസറഗോഡ്: കാസറഗോഡ് ജില്ലയല് ശുചിത്വ മിഷൻ്റെ തിരഞ്ഞെടുപ്പ് ഹരിത ചട്ട ബോധവത്കരണ പരിപാടി തടഞ്ഞ സംഭവത്തില് കണ്ടാലറിയുന്ന അമ്പത് പേർക്കെതിരെ ജാമ്യമില്ലാ വകുപ്പ് പ്രകാരം കേസെടുത്ത് പോലീസ്. പ്രതികൾ സമൂഹത്തിൽ ലഹള ഉണ്ടാക്കാൻ ബോധപൂർവം ശ്രമിച്ചെന്ന് എഫ് ഐ ആറില് വ്യക്തമാക്കുന്നു. സംഭവത്തില് എസ്ഡിപിഐ പ്രവർത്തകർ ഉൾപ്പെടെ നാലുപേരെ കസ്റ്റഡിയിൽ എടുത്തു.
ജുമുഅ നിസ്കാര സമയത്ത് പരിപാടി നടത്താൻ അനുവദിക്കില്ലെന്ന് ചൂണ്ടിക്കാട്ടിയായിരുന്നു പ്രകടനക്കാർക്ക് നേരെ ഒരു സംഘം അതിക്രമം നടത്തിയത്. പ്രതികള് സമൂഹത്തില് വർഗീയ ലഹള ഉണ്ടാക്കാൻ ബോധപൂർവം ശ്രമിച്ചെന്ന് എഫ്ഐആർ. ജുമാ നിസ്കാര സമയത്ത് പരിപാടി നടത്താൻ അനുവദിക്കില്ലെന്ന് ചൂണ്ടിക്കാട്ടിയായിരുന്നു അതിക്രമം.
ലഹരി, അടിപിടി കേസുകളില് പ്രതികളായവരാണ് പ്രശ്നമുണ്ടാക്കിയതെന്ന് പോലീസ്. ശുചിത്വ മിഷന്റെ തിരഞ്ഞെടുപ്പ് ഹരിത ചട്ടം നടപ്പിലാക്കാനുള്ള ബോധവല്ക്കരണ പരിപാടിയാണ് തടഞ്ഞത്. ഉളിയത്തടുക്ക ടൗണില് വച്ചാണ് കുടുംബശ്രീ പ്രവർത്തകർ അവതരിപ്പിച്ച ഫ്ലാഷ് മോബ് ഒരു സംഘം ആളുകള് തടഞ്ഞത്. ജുമ സമയത്ത് പരിപാടി നടത്താൻ അനുവദിക്കില്ലെന്ന് ചൂണ്ടിക്കാട്ടിയായിരുന്നു വനിതകള് ഉള്പ്പെടെയുള്ള സംഘത്തിന് നേരെ ആക്രമണം.
SUMMARY: Kasaragod Green Code awareness program blocked; Case filed against 50 people including SDPI workers
