തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് ജൂൺ നാലിനു ശേഷം

ബെംഗളൂരു: ബിബിഎംപി ഉൾപ്പെടെയുള്ള തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് ലോക്‌സഭാ തിരഞ്ഞെടുപ്പിൻ്റെ വോട്ടെണ്ണലിന് ശേഷം പ്രഖ്യാപിക്കുമെന്ന് മുഖ്യമന്ത്രി സിദ്ധരാമയ്യ അറിയിച്ചു. ജൂൺ നാലിനാണ് ലോക്സഭ തിരഞ്ഞെടുപ്പിലേക്കുള്ള വോട്ടെണ്ണൽ നടക്കുന്നത്. ഇതിനോടകം വാർഡുകളുടെ അതിർത്തി നിർണയം നടന്നിട്ടുണ്ടെന്നും വാർഡ് സംവരണം അടുത്ത ഘട്ടത്തിലായിരിക്കുമെന്നും സിദ്ധരാമയ്യ പറഞ്ഞു.

ജില്ലാ, താലൂക്ക് പഞ്ചായത്ത് തിരഞ്ഞെടുപ്പുകൾ നടത്താൻ സർക്കാർ തയ്യാറാണ്. ജൂൺ നാലിനു ശേഷം ഗ്രാമപഞ്ചായത്ത്, താലൂക്ക് പഞ്ചായത്ത്, ജില്ലാ പഞ്ചായത്ത് തിരഞ്ഞെടുപ്പുകൾ നടത്തുന്നത് സംബന്ധിച്ച് അന്തിമ തീരുമാനമെടുക്കും. അതേസമയം ലെജിസ്ലേറ്റീവ് കൗൺസിലിലേക്കുള്ള തിരഞ്ഞെടുപ്പ് മെയ്‌ ഒമ്പതിനാണ്.