ബെംഗളൂരു : ബെംഗളൂരുവിൽ നാലുകോടിയുടെ എംഡിഎംഎയുമായി ആഫ്രിക്കൻ സ്വദേശി പിടിയിലായി. ഡാനിയേൽ ആറിൻസ് ഒക്വോഷ (40) ആണ് അറസ്റ്റിലായതെന്ന് ബെംഗളൂരു സെൻട്രൽ ക്രൈംബ്രാഞ്ച് പോലീസ് അറിയിച്ചു. ഇയാളില് നിന്നും 1.48 കിലോഗ്രാം വെള്ള എംഡിഎംഎ ക്രിസ്റ്റലുകളും 1.1 കിലോഗ്രാം ബ്രൗൺ എംഡിഎംഎ ക്രിസ്റ്റലുകളും പോലീസ് പിടിച്ചെടുത്തു. പരിശോധനക്കിടെ ഇയാളുടെ കൂട്ടാളി രക്ഷപ്പെട്ടതായും പോലീസ് പറഞ്ഞു.
രണ്ടു വര്ഷം മുമ്പ് ബിസിനസ് വിസയിലാണ് ഡാനിയേൽ ബെംഗളൂരുവിലെത്തിയത്. സോളദേവനഹള്ളിയിലെ വാടകഫ്ലാറ്റിൽ താമസിച്ചുവരുകയായിരുന്നു. ഇയാൾ മയക്കുമരുന്ന് ഇടപാട് നടത്തുന്ന വിവരം ലഭിച്ചതിന്റെ അടിസ്ഥാനത്തിലാണ് പോലീസ് ഫ്ലാറ്റ് പരിശോധിച്ചത്.
മറ്റുസംസ്ഥാനങ്ങളിൽനിന്നും ബെംഗളൂരുവിന്റെ വിവിധയിടങ്ങളിൽനിന്നുമാണ് ഇവർ മയക്കുമരുന്ന് ശേഖരിച്ചുവന്നതെന്നും പോലീസ് പറഞ്ഞു. നഗരത്തിലെ കോളേജ് വിദ്യാർഥികളും ഐടി ജീവനക്കാരുമായിരുന്നു ഇവരുടെ ലക്ഷ്യം.
<BR>
TAGS : DRUG CASES | ARRESTED
SUMMARY : Huge drug bust in Bengaluru; African national arrested with MDMA worth Rs 4 crore
WhatsApp
Telegram
