രാജസ്ഥാൻ: മേൽപ്പാലത്തിലെ മതിലിലേക്ക് ബസ് ഇടിച്ചുകയറി അപകടം. രാജസ്ഥാനിലെ സിക്കറിൽ ചൊവ്വാഴ്ചയാണ് അപകടമുണ്ടായത്. സംഭവത്തിൽ 12 പേർ മരിച്ചു. 30 ഓളം പേർക്ക് പരുക്കേറ്റു.
പരുക്കേറ്റവറെ ജയ്പുരിലെ ആശുപത്രിയിലേക്കും സികാറിലെ എസ്കെ ആശുപത്രിയിലും പ്രവേശിപ്പിച്ചു. ലക്ഷ്മൺഗഡിൽ വളവിലൂടെ ബസ് പോകുമ്പോഴാണ് സംഭവമെന്നാണ് വിവരം. അപകടസമയത്ത് ബസിൽ 40ഓളം യാത്രക്കാരുണ്ടായിരുന്നു. നിയന്ത്രണം വിട്ട ബസ് ഫ്ലൈഓവറിൻ്റെ ചുമരിലേക്ക് ഇടിച്ചുകയറി.
അപകടത്തിൽ ബസിൻ്റെ വലതുഭാഗം പൂർണമായി തകർന്നു. ഡ്രൈവർ സംഭവസ്ഥലത്ത് തന്നെ മരിച്ചു. ക്രെയിൻ എത്തിച്ച് ബസ് വെട്ടിപ്പൊളിച്ചാണ് യാത്രക്കാരെ ആശുപത്രിയിലെത്തിച്ചത്. രാജസ്ഥാൻ മുഖ്യമന്ത്രി ഭജൻലാൽ ശർമ സംഭവത്തിൽ അനുശോചനം രേഖപ്പെടുത്തി. പരുക്കേറ്റവർക്ക് വേണ്ട എല്ലാ സഹായവും ലഭ്യമാക്കാൻ ജില്ലാ അധികൃതരോട് അദ്ദേഹം നിർദേശിച്ചു.
TAGS: NATIONAL | ACCIDENT
SUMMARY: 12 dead, dozens injured as bus crashes into culvert in Rajasthan’s Sikar
WhatsApp
Telegram
