വീണ്ടും കുതിച്ചുയര്‍ന്ന് സ്വര്‍ണവില; 54,000 കടന്നു

സ്വർണവിലയില്‍ വീണ്ടും വൻ കുതിപ്പ്. ഒരു പവൻ സ്വർണത്തിന് ഇന്നത്തെ വിപണിയില്‍ 54,000 രൂപ കടന്നു. പവന് 720 രൂപ വർധിച്ച്‌ 54,360 രൂപയും ഗ്രാമിന് 90 രൂപ വർധിച്ച്‌ 6,795 രൂപയുമായി. ഇറാൻ -ഇസ്രേയേല്‍ യുദ്ധഭീഷണിയാണ് സ്വർണവില ഉയരാൻ കാരണം.

ഈ മാസത്തിലെ ഏറ്റവും ഉയർന്ന നിരക്കിലാണ് ഇന്നത്തെ സ്വർണവില. കഴിഞ്ഞ ദിവസം സ്വർണവില ‌440 രൂപ വർധിച്ച്‌ പവന് 53,640 രൂപയായിരുന്നു. ഒന്നര മാസത്തിനിടെ പവന് 8,000 രൂപയാണ് വർധിച്ചത്. ഓരോ ദിവസം കഴിയും തോറും സ്വർണത്തിന്റെ വില വർധിച്ചുകൊണ്ടിരിക്കുകയാണ്.

The post വീണ്ടും കുതിച്ചുയര്‍ന്ന് സ്വര്‍ണവില; 54,000 കടന്നു appeared first on News Bengaluru.