സോണിയ ഗാന്ധിക്കും രാഹുലിനുമെതിരെ വ്യാജ പ്രചാരണം; മാധ്യമപ്രവർത്തകൻ ഉൾപ്പെടെ രണ്ട് പേർക്കെതിരെ കേസ്

ബെംഗളൂരു: എഐസിസി മുൻ അധ്യക്ഷ സോണിയക്കും പ്രതിപക്ഷ നേതാവ് രാഹുൽ ഗാന്ധിക്കുമെതിരെ വ്യാജപ്രചാരണം നടത്തിയ സംഭവത്തിൽ മാധ്യമപ്രവർത്തകൻ ഉൾപ്പെടെ രണ്ട് പേർക്കെതിരെ കേസെടുത്തു. ബംഗ്ലദേശ് പത്രം ബ്ലിറ്റ്സ് എഡിറ്റർ സാലാ ഉദ്ദിൻ ഷൊയിബ് ചൗധരി, ജയ്പുർ ആസ്ഥാനമായി പ്രവർത്തിക്കുന്ന വെബ് പോർട്ടലിലെ ജീവനക്കാരി അദിതി എന്നിവർക്കെതിരെയാണ് കേസെടുത്തത്.

കർണാടക പിസിസി അംഗം ജി.ശ്രീനിവാസ് നൽകിയ പരാതിയെ തുടർന്നാണ് നടപടി. സോണിയ ഗാന്ധിക്കു വിദേശ ചാര ഏജൻസിയുമായി ബന്ധമുണ്ടെന്നാണ് ചൗധരി ആരോപിച്ചത്. രാഹുൽ ഗാന്ധിയും തൻ്റെ വിദേശ സുഹൃത്തും ചേർന്ന് ഒരു സ്ത്രീയെ ലൈംഗികമായി പീഡിപ്പിച്ചുവെന്നും ചൗധരി ആരോപിച്ചിരുന്നു. സംഭവത്തിൽ ബെംഗളൂരു ഹൈഗ്രൗണ്ട്സ് പോലീസ് ആണ് കേസ് രജിസ്റ്റർ ചെയ്തിരിക്കുന്നത്.

TAGS: BENGALURU | SONIA GANDHI
SUMMARY: Bengaluru police book Bangladeshi journalist and Jaipur Dialogues for spreading fake news against Sonia Gandhi and Rahul Gandhi