സ്ററോക്കോം: അന്താരാഷ്ട്ര നിയമങ്ങള്‍ ശക്തിപ്പെടുത്തുന്നതിനും ലോകമെമ്പാടും സമാധാനം പ്രോത്സാഹിപ്പിക്കുന്നതിനുമായി വിലമതിക്കാനാവാത്ത സംഭാവനകള്‍ നല്‍കിയ ഇന്ത്യൻ വംശജയായ ദക്ഷിണാഫ്രിക്കൻ നിയമജ്ഞ നവനീതം നവി പിള്ളയ്ക്ക് 2026-ലെ സമാധാനത്തിനുള്ള നൊബേല്‍ പുരസ്കാരം ലഭിച്ചിരിക്കുന്നു. നോർവീജിയൻ നൊബേല്‍ കമ്മിറ്റിയാണ് ഒക്ടോബർ 9 ന് ഈ സുപ്രധാന പ്രഖ്യാപനം നടത്തിയത്.
മനുഷ്യാവകാശ പോരാട്ടങ്ങളിലൂടെയും നീതിപൂർവ്വമായ ഇടപെടലുകളിലൂടെയും ആഗോളതലത്തില്‍ ശ്രദ്ധേയയായ നവി പിള്ളയുടെ ഈ നേട്ടം അന്താരാഷ്ട്ര നിയമരംഗത്തെ ചരിത്രപരമായ അടയാളപ്പെടുത്തലാണ്. സാഹിത്യം, രസതന്ത്രം, ഭൗതികശാസ്ത്രം, വൈദ്യശാസ്ത്രം എന്നിവയിലെ പുരസ്കാര പ്രഖ്യാപനങ്ങള്‍ പൂർത്തിയായതിന് പിന്നാലെയാണ് ഈ കൊല്ലത്തെ അഞ്ചാമത്തെ പ്രഖ്യാപനമായി സമാധാനത്തിനുള്ള നൊബേല്‍ പുരസ്കാരം ലോകത്തിന് മുന്നിലെത്തുന്നത്.
ഇത്തവണത്തെ സമ്മാനത്തിനായി 287 നാമനിർദ്ദേശങ്ങളാണ് ലഭിച്ചിരുന്നത്. ഇതില്‍ കാല്‍ഭാഗത്തോളം വിവിധ സംഘടനകളായിരുന്നു. അന്താരാഷ്ട്ര സ്പേസ് സ്റ്റേഷൻ, സുഡാനിലെ ദുരിതാശ്വാസ സംഘങ്ങള്‍, ഉക്രൈനിലെ കുട്ടികളുടെ അവകാശ പ്രവർത്തകർ, രണ്ട് പ്രധാന അന്താരാഷ്ട്ര കോടതികള്‍ എന്നിവയും കാനഡ പ്രധാനമന്ത്രി മാർക്ക് കാർണി, അമേരിക്കൻ പ്രസിഡന്റ് ഡൊണാള്‍ഡ് ട്രംപ് എന്നിവരും സാധ്യതാ പട്ടികയില്‍ ഇടംപിടിച്ചിരുന്നതായി നിരീക്ഷകർ ചൂണ്ടിക്കാണിച്ചിരുന്നു.
കഴിഞ്ഞ വർഷം വെനസ്വേലൻ പ്രതിപക്ഷ നേതാവ് മരിയ കൊറീന മച്ചാഡോയ്ക്കാണ് പുരസ്കാരം ലഭിച്ചിരുന്നത്. വെനസ്വേലയില്‍ ജനാധിപത്യം വീണ്ടെടുക്കാൻ നടത്തിയ പോരാട്ട മുൻകൈകളെ മാനിച്ചായിരുന്നു അത്.
SUMMARY: Nobel Peace Prize for Navanethem ‘Navi’ Pillay, of Indian origin
