ദിസ്പൂർ: അസമില്‍ ബി എസ് എഫ് ജവാന്മാര് സഞ്ചരിച്ചിരുന്ന ബസ് അപകടത്തില്‍പ്പെട്ട് 32 ജവാന്‍മാര്‍ക്ക് പരുക്കേറ്റു. അപകടത്തില്‍ ഒരാള്‍ മരിച്ചു. തിരഞ്ഞെടുപ്പ് ഡ്യൂട്ടി പൂര്‍ത്തിയായി മടങ്ങുകയായിരുന്ന ബി എസ് എഫ് ജവാന്മാരുമായി പോവുകയായിരുന്ന ബസ്, ഒരു ലോറിയുടെ പിന്നില്‍ ഇടിക്കുകയായിരുന്നു. ബസ് ബസ് ഡ്രൈവർ സംസുൽ ഹഖ് (42) ആണ് മരിച്ചത്. ബർപേട്ട ജില്ലയിലെ ഹൗളിയിലാണ് അപകടം. ധുബ്രിയിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്.
പരുക്കേറ്റ ബിഎസ്എഫ് ഉദ്യോഗസ്ഥരെ ബർപേട്ട മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഒരാളുടെ നില ഗുരുതരമാണ്. അപകടത്തിൽ ഹൗളി പോലീസ് പ്രാഥമിക അന്വേഷണം ആരംഭിച്ചു.
SUMMARY: 32 BSF jawans injured after the bus they were travelling in met with an accident in Assam.
