ബെംഗളൂരു: കലാവാദ്യം ക്ഷേത്ര വാദ്യകലാ അക്കാദമിയുടെ 14-ാം ബാച്ച് വിദ്യാർഥികളുടെ പഞ്ചാരിമേളം അരങ്ങേറ്റം നാളെ നടക്കും. ഹെന്നൂർ ഇസ്കോൺ ക്ഷേത്ര ഗോശാലയിൽ രാവിലെ 8.30-നാണ് പരിപാടി. തൃശ്ശൂർ മണ്ണംപേട്ട സ്വദേശി ധീരജ് എടാട്ടിൻ്റെ ശിക്ഷണത്തിൽ ചെണ്ട അഭ്യസിച്ച 19 പേരാണ് പഞ്ചാരിയിൽ അരങ്ങേറ്റം കുറിക്കുന്നത്.
തുടർന്ന് സോപാന സംഗീതവും ഭരതനാട്യവും അരങ്ങേറും. വൈകീട്ട് അഞ്ചു മണിമുതൽ 80-ലധികം കലാകാരന്മാർ പങ്കെടുക്കുന്ന പഞ്ചാരിമേളം നടക്കും. ധീരജ് എടാട്ട് മേള പ്രമാണിയാകും. പ്രസിദ്ധമായ പെരുവനം പൂരത്തിൻ്റെ ആവേശവും അച്ചടക്കവും ഒട്ടും ചോരാതെയാണ് മേളമൊരുക്കുന്നതെന്ന് കലാവാദ്യം ഭാരവാഹികൾ അറിയിച്ചു.
SUMMARY: Pancharimelam debuts tomorrow
