ന്യൂഡൽഹി: പെട്രോൾ, ഡീസൽ വിലയിൽ ലിറ്ററിന് 3 രൂപയോളം വീതം വർധിപ്പിച്ചു. പശ്ചിമേഷ്യൻ യുദ്ധ പശ്ചാത്തലത്തിൽ അന്താരാഷ്ട്ര വിപണിയിൽ ഇന്ധന വില വർധിച്ച സാഹചര്യത്തിലാണ് രാജ്യത്തും വില വർധനവ് പ്രാബല്യത്തിൽ വന്നിരിക്കുന്നത്. പെട്രോളിനും ഡീസലിനും ലിറ്ററിന് 3.04 രൂപ വീതമാണ് കേരളത്തിൽ വർധിക്കുക. ഇന്നുമുതൽ പുതിയ നിരക്ക് പ്രാബല്യത്തിൽ വരും.
രാജ്യത്തെ പ്രധാന നഗരങ്ങളിലെ ഇന്ധന വില
| നഗരം | പെട്രോൾ (₹) | ഡീസൽ (₹) |
| തിരുവനന്തപുരം | 110.76 | 99.26 |
| കൊച്ചി | 108.62 | 97.55 |
| ഡൽഹി | 97.77 | 90.67 |
| മുംബൈ | 106.68 | 93.14 |
| ചെന്നൈ | 103.67 | 95.25 |
| കൊൽക്കത്ത | 108.74 | 95.13 |
| ബെംഗളൂരു | 106.17 | 94.10 |
രാജ്യത്തെ എണ്ണക്കമ്പനികൾക്ക് പ്രതിമാസം ഏകദേശം 30,000 കോടി രൂപയുടെ സാമ്പത്തിക നഷ്ടം നേരിടുന്നതിനാൽ മേയ് 15 ന് മുമ്പ് ഇന്ത്യയിൽ പെട്രോൾ, ഡീസൽ വില വർധിപ്പിക്കുമെന്ന് റിപ്പോർട്ട് വന്നിരുന്നു. നാല് വർഷത്തിനിടെ ആദ്യമായാണ് രാജ്യത്ത് പെട്രോൾ, ഡീസൽ വിലയിൽ വർധനവുണ്ടാകുന്നത്. 2022 മുതൽ ചില്ലറ വിൽപ്പന നിരക്കുകൾ വലിയതോതിൽ മരവിപ്പിച്ചിരിക്കുകയാണ്.
SUMMARY: Centre hikes petrol and diesel prices
