ബെംഗളൂരു: കർണാടകയില് ഉപതിരഞ്ഞെടുപ്പ് നടന്ന ദാവണഗെരെ സൗത്ത്, ബാഗൽകോട്ട് നിയമസഭാ മണ്ഡലങ്ങളില് നിന്നും വിജയിച്ച പുതിയ കോൺഗ്രസ് എം.എൽ.എ.മാർ സത്യപ്രതിജ്ഞചെയ്ത് ചുമതലയേറ്റു. ദാവണഗെരെ സൗത്തിൽ സമർഥ് മല്ലികാർജുനയും ബാഗൽകോട്ട് ഉമേഷ് ഹുള്ളപ്പ മേട്ടിയുമാണ് പുതിയ എം.എൽ.എ.മാരായത്.
വിധാൻസൗധയിലെ കോൺഫറൻസ് ഹാളിൽ സ്പീക്കർ യു.ടി. ഖാദറിന്റെ മുൻപാകെയായിരുന്നു സത്യപ്രതിജ്ഞ. മന്ത്രി സതീഷ് ജാർക്കിഹോളി, സമർഥ് മല്ലികാർജുനയുടെ അമ്മയും ലോക്സഭാംഗവുമായ പ്രഭാ മല്ലികാർജുൻ, മുൻമന്ത്രി എസ്.ആർ. പാട്ടീൽ തുടങ്ങിയവർ പങ്കെടുത്തു.
SUMMARY: New MLAs Umesh Metty and Samarth take oath and assume office
