ഡല്‍ഹി: ഡല്‍ഹി പ്രതിഷേധത്തെ തുടർന്ന് പോലീസ് കസ്റ്റഡിയിലെടുത്ത സിജെപി സ്ഥാപകൻ അഭിജീത് ദീപ്കെ, സൗരവ് ദാസ്, അശുതോഷ് റാങ്ക എന്നിവരെ മോചിപ്പിച്ചു. അറസ്റ്റ് രേഖപ്പെടുത്തിയ ശേഷമാണ് 24 മണിക്കൂർ നീണ്ട കസ്റ്റഡിക്കൊടുവില്‍ കർശന ജാമ്യവ്യവസ്ഥകളോടെ ഇവരെ മോചിപ്പിച്ചത്.
ഒരു വർഷത്തേക്ക് സമാധാന അന്തരീക്ഷം തകർക്കുന്ന യാതൊരുവിധ പ്രവർത്തനങ്ങളിലും ഏർപ്പെടരുതെന്ന നിബന്ധനയിലാണ് ജാമ്യം അനുവദിച്ചിരിക്കുന്നത്. അതേസമയം ഗുരുഗ്രാമില്‍ നിന്ന് കസ്റ്റഡിയിലെടുത്ത പ്രമുഖ യൂട്യൂബർ ധ്രുവ് റാഠിയെയും പോലീസ് മോചിപ്പിച്ചിട്ടുണ്ട്. ഇനിവരുന്ന പ്രതിഷേധങ്ങളില്‍ പങ്കെടുത്താല്‍ ശക്തമായ നിയമനടപടി നേരിടേണ്ടിവരുമെന്ന മുന്നറിയിപ്പോടെയാണ് ധ്രുവിനെ വിട്ടയച്ചത്.
അതിനാടകീയമായമാണ് സിജെപി സ്ഥാപകൻ അഭിജീത് ദീപ്കെയെ ഡല്‍ഹി പോലീസ് കസ്റ്റഡിയിലെടുത്തത്. ഡല്‍ഹി വിമാനത്താവളത്തിലെ അറൈവല്‍ ഗേറ്റില്‍ മാധ്യമങ്ങള്‍ കാത്തുനില്‍ക്കുമ്പോഴാണ് പോലീസിന്റെ നാടകീയ നീക്കം. അതേസമയം, പോലീസിന് തങ്ങളെ വിട്ടയക്കേണ്ടി വന്നതാണെന്നും ‘കോക്രോച്ചുകള്‍ ഒരിക്കലും മരിക്കില്ലെ’ന്നും സിജെപി സോഷ്യല്‍ മീഡിയയില്‍ കുറിച്ചു.
SUMMARY: CJP leaders released after 24 hours in custody; bail granted with strict conditions
