കൊച്ചി: നെടുമ്പാശ്ശേരിയില്‍ അമിതവേഗതയിലെത്തിയ മിനി കൂപ്പർ കാർ സ്കൂട്ടറിലിടിച്ച്‌ മൂന്ന് പേർ മരിച്ച സംഭവത്തില്‍ ഡ്രൈവർ സുഹൈല്‍ സജീവിനെതിരെ നരഹത്യയ്ക്ക് കേസ് എടുത്ത് പോലീസ്. 19-കാരനായ പ്രതി സുഹൈല്‍ അപകടസമയത്ത് മദ്യപിച്ചിരുന്നതായി സ്ഥിരീകരിച്ചിട്ടുണ്ട്. ലഹരിമരുന്ന് ഉപയോഗിച്ചിട്ടുണ്ടോ എന്ന് വ്യക്തമാകാൻ രക്ത സാമ്പിളുകള്‍ ശാസ്ത്രീയ പരിശോധനയ്ക്ക് അയച്ചു.
അപകടത്തില്‍പ്പെട്ട വാഹനത്തിലുണ്ടായിരുന്ന സുഹൈലിന്റെ സുഹൃത്തിനെയും പോലീസ് കസ്റ്റഡിയിലെടുത്തിട്ടുണ്ട്. രാജഗിരി കോളേജിലെ ബി.കോം വിദ്യാർഥിയായ സുഹൈല്‍, പിതാവിന്റെ പേരിലുള്ള കാറാണ് ഓടിച്ചിരുന്നത്. കസ്റ്റഡിയിലായ പ്രതികള്‍ക്കെതിരെ കർശന നടപടി സ്വീകരിക്കുമെന്ന് സർക്കിള്‍ ഇൻസ്പെക്ടർ അരുണ്‍ ബി.കെ വ്യക്തമാക്കി.
വയനാട് സ്വദേശിനി ദേവിക (21), പാലക്കാട് സ്വദേശിനി ഗോപിക (22), കർണാടക സ്വദേശി ഇയാസ് (21) എന്നിവരാണ് പുലർച്ചെ രണ്ട് മണിയോടെയുണ്ടായ ദാരുണാപകടത്തില്‍ കൊല്ലപ്പെട്ടത്.
SUMMARY: Incident in Nedumbassery where three people died after being hit by a Mini Cooper: Culpable homicide case registered against the driver
